Mogya Nhomawa No A Yɛrebesua
1 Wobesua Yehowa Adansefo ne Mogya ho Asɛm No nhomawa no wɔ Asafo Nhoma Adesua ase wɔ June 26 kosi August 7, 1988 adapɛn no mu.
2 Asafo ti no reyɛ nhyehyɛe ma wɔakyerɛ saa nhoma yi ase akɔ Ewe, Ga ne Twi kasa mu na wɔatintim a ne kɛse te sɛ nsɛmma nhoma a adesua nsemmisa ka ho. Wɔde eyinom bɛmana asafo ahorow no bɛyɛ April anaa May mu. Dodow a mo nsa bɛka no bɛyɛ nea wogyina Biako a Wɔayɛ nhoma no dodow a mokrae bere a wotintim no saa ara ma wɔde yɛɛ Asafo Nhoma Adesua nnansa yi ara no so. Wɔde nea wɔde bɛmana no bɛka asafo no nhoma ka ho a biako biara yɛ ¢30. Akwampaefo bo biara nni mu. Yebetintim Borɔfo adesua nsemmisa no de ahyɛ Yɛn Ahenni Som bi a ɛbɛba akyiri yi mu ama mo a mode Borɔfo nhomawa no bedi dwuma no.
3 Mogya nhomawa no a yebesua wɔ saa bere yi mu no ho bɛba mfaso titiriw ama Yehowa Adansefo ne afoforo a wɔpɛ sɛ wɔbata nea Onyankopɔn Asɛm ka fa kronn a mogya yɛ ho no nyinaa. Ɛbɛboa obiara ma wasiesie ne ho yiye ama tebea biara a anibere wom a ebia ɛbɛsɔre a ɛyɛ nea etia yɛn gyinabea a efi Kyerɛwsɛm mu a ɛfa mogya a wɔde ma ho a ɛho asɛm ba daa no.
4 Wɔhyɛ adawurubɔfo nyinaa nkuran sɛ wonsiesie wɔn ho yiye na wɔnkɔ dapɛn biara nkosua saa asɛm a ɛho hia yi ho ade. Hwɛ sɛ wobɛto nsa afrɛ anigyefo afoforo ma wɔn nso aba, na yɛ nhyehyɛe ma wɔn nso wonnya Mogya nhomawa no bi mma saa adesua yi.