Asɛmmisa Afã

◼ Hena na ɛsɛ sɛ ne nsa ka Yɛn Ahenni Som no bi?

Wosiesie Yɛn Ahenni Som no na ɛde mmoa ne nkuranhyɛ ama wɔn a wonya asɛnka adwuma no mu kyɛfa no. Enti, ɛnyɛ nea wɔkyekyɛ ma obiara. Ɛsɛ sɛ adawurubɔfo a wɔagye asubɔ ne adawurubɔfo a wonnyee asubɔ nyinaa nsa ka bi. Ɛsɛ sɛ wɔn a wɔba Ɔsom Nhyiam daa a wɔrenya nkɔso akodu asɛnka adwuma no mu kyɛfa a wobenya ho no nso nya bi. Monhwɛ sɛ mode bi bɛto Ahenni Asa no so nhomakorabea hɔ. Ɛnsɛ sɛ wɔma nnipa a wɔatu wɔn Yɛn Ahenni Som no bi. Asafo ahorow bi ahu sɛ eye sɛ wɔbɛkyerɛw wɔn a wɔfata sɛ wonya bi no nyinaa din na afei wɔakyekyɛ din no mu sɛnea Asafo Nhoma Adesua akuw horow a wɔwɔ no te. Adesua so ahwɛfo no betumi de din yi adi dwuma de akyekyɛ na ebi mpo a wɔakyerɛw obiara din wɔ ne de so fɛfɛɛfɛ.