Teokrase Nsɛmmansɛmma

◼ Wogyee Yehowa Adansefo toom wɔ mmara mu wɔ Bulgaria wɔ October 7, 1998 mu. Yɛne ɛhɔnom adawurubɔfo 946 no nyinaa bom de aseda ma Yehowa wɔ saa nsakrae yi ho.

◼ Wɔ October 12, 1998 mu no, Latvia aban no penee so ma wɔde asafo ahorow 21 a ɛwɔ ɔman no mu no mu 2 a edi kan hyɛɛ mmara ase.

◼ Ɔsɔretia nyinaa akyi no, anuanom a wɔwɔ France no kɔ so ka Ahenni ho asɛm no. Wɔyɛɛ ɔsatu titiriw a ɛbɛma ɔman no adwene aba Bible no so denam Amansan Nhoma nhomawa a wɔhyɛɛ da kyekyɛe wɔ November ne December mu no so. Wɔde France Betel adwumayɛfo no bɛyɛ 50 kɔ Britain sɛ wɔnkɔboa nhomatintim ne ne kyekyɛ wɔ baa dwumadibea hɔ, na Betel abusua no mufo 250 a wɔaka no ne anuanom a wɔreyɛ asɛnka adwuma no kɔ so de anigye som sɛnea wɔyɛ dedaw no.