So Wowɔ Yearbook Biara Bi Wɔ Wo Nhomakorabea?

Nsɛm pii a ɛyɛ anigye sɛ yɛbɛkenkan ahyɛ Yearbook of Jehovah’s Witnesses biara a ɛba no mu ma. Ahenni asɛnka a wɔyɛ no wiase nyinaa no ho amanneɛbɔ a ɛwom no ma yenya Yehowa akwankyerɛ, n’ahobammɔ, ne ne nhyira mu ahotoso kɛse. Yɛwɔ 1989 kosi 1991, 1994, 1995, 1999, ne 2000 Yearbook no bi wɔ Engiresi mu. Nsɛm a ɛwom no fa Ahenni adwuma a wɔyɛ wɔ aman a ɛwɔ akyirikyiri te sɛ Austria, Barbados, Britain, Colombia, Cyprus, Czech Republic, Finland, Germany, Greece, Guadeloupe, Haiti, Hawaii, Madagascar, Malawi, Mexico, Poland, Suriname, Sweden, Thailand, ne Uruguay, mu no ho. Dɛn nti na wonhwɛ wo nhomakorabea nhwɛ sɛ ebia wowɔ Yearbook biara bi anaa? Ɛsɛ sɛ Teokrase Ɔsom Sukuu sohwɛfo no nso hwɛ wɔn Ahenni Asa nhomakorabea no hɔ hwɛ sɛ ebia ebi nni mu a. Adawurubɔfo ne asafo biara a wohia Yearbook ahorow yi mu bi no betumi akra bi seesei afa nea ɔhwɛ asafo no nhomakra so no so.