Nkaebɔ Ahorow

◼ Nhoma a yɛde bɛma February 1-20: Bɛn Yehowa. February 21-March 20: Ɔsatu titiriw a yɛde bɛkyekyɛ Monkɔ so Nwɛn! nhomawa no. Fa nna a etwa to wɔ ɔsram no mu no yɛ sankɔhwɛ. April ne May: Momfa Ɔwɛn-Aban ne Nyan! Nsɛmma nhoma no mma.

◼ Ɛsɛ sɛ ɔhwɛfo guamtrani no anaa obi a wapaw no hwehwɛ asafo no sikasɛm mu March 1 anaa ɛno akyi bere tiaa bi. Sɛ mowɔ adansi ho foto anaa sika foforo bi a ɛwɔ boayikuw a wɔhwɛ dan so no hɔ a, ɛsɛ sɛ moyɛ nhyehyɛe ma wɔhwehwɛ ɛno nso mu. Sɛ wɔyɛ eyinom wie a, mommɔ asafo no amanneɛ, bere a moakenkan mo sikasɛm ho amanneɛbɔ a edi hɔ awie no.

◼ Ɛsɛ sɛ ɔkyerɛwfo ne ɔsom adwuma sohwɛfo no hwehwɛ daa akwampaefo nyinaa dwumadi mu. Sɛ ɛyɛ den ma wɔn mu binom sɛ wobenya nnɔnhwerew a wɔhwehwɛ no a, ɛsɛ sɛ mpanyimfo yɛ nhyehyɛe ma wɔboa wɔn. Sɛ mopɛ ho nyansahyɛ ahorow a, monsan nkenkan S-201 nkrataa a wɔkyerɛw no afe afe no.

◼ Baguam kasa titiriw a wɔbɛma no 2005 Nkaedi bere no asɛmti ne “Dɛn Nti Na Yesu Huu Amane na Owui?” Hwɛ ɛho nkaebɔ wɔ September 2004 Yɛn Ahenni Som no mu.

◼ Efi May 23, 2005, dapɛn no mfiase no, yebesua Monkɔ so Nwɛn! nhomawa no wɔ Asafo Nhoma Adesua ase.