Nea Yɛbɛka Afa Yɛn Nsɛmma Nhoma Ho

Ɔwɛn-Aban June 1

“Wususuw sɛ Onyankopɔn pene ɔsom nyinaa so? [Twɛn ma ommua.] W’ani begye sɛ wubehu nea Onyankopɔn yɛe bere a tete Israelfo gyee aman a na atwa wɔn ho ahyia som toom no. [Kenkan Hesekiel 6:6.] Nsɛmma nhoma yi bua asɛmmisa yi, ‘So Ɔkwan a Yɛfa so Som Onyankopɔn No Ho Hia?’” Fa asɛm a ɛwɔ kratafa 9 no kyerɛ no.

Awake! June

“Migye di sɛ wo ne me bɛyɛ adwene sɛ mmofra a wonnya nnii mfe aduonu no ne wɔn awofo nyinaa hyia nsɛnnennen. Wususuw sɛ, afotu yi a awofo betie no betumi aboa ma wɔatete wɔn mma yiye? [Kenkan Yakobo 1:19. Afei twɛn ma ommua.] Bible mu nyansahyɛ a mfaso wɔ so a ɛwɔ nsɛmma nhoma yi mu no bɛboa wo paa.”

Ɔwɛn-Aban July 1

“Sɛ yɛn dɔfo bi wu a yɛn nyinaa di ho yaw. Wɔ mmere a ɛte sɛɛ mu no, wususuw sɛ Bible no betumi aboa yɛn? [Twɛn ma ommua. Afei kenkan Dwom 55:22.] Nsɛmma nhoma yi kyerɛ sɛnea Bible boa yɛn ma yegyina yaw a ɛte sɛɛ ano.”

Awake! July

“Awarefo hyia ɔhaw pii, na aware pii regu. Wususuw sɛ afotu yi a awarefo betie no bɛma wɔn aware ayɛ yiye? [Kenkan Mmebusɛm 12:18. Afei twɛn ma ommua.] Nsɛmma nhoma yi susuw Bible mu nnyinasosɛm a ebetumi aboa awarefo ma wɔn aware asɔ ho.”