Nhyehyɛe Ma Nnawɔtwe a Ɛfiri Aseɛ November 10

Dwom 99 ne Mpaebɔ

Asafo Bible Adesua:

cl ti 15 ¶20-23, adaka a ɛwɔ kr. 157 (Simma 30)

Teokrase Ɔsom Sukuu:

Bible akenkan: Deuteronomium 19-22 (Simma 10)

No. 1: Deuteronomium 22:20-30 (Simma 4 anaa nea ɛnnuru saa)

No. 2: Awofo, Mobɛyɛ Dɛn Atumi Ama Mo Mma Ani Agye?​—fg adesua 9 asɛmmisa 5 (Simma 5)

No. 3: Sɛe Nneɛma a Wɔde Di Dwuma Wɔ Atoro Som Mu No​—ol adesua 8 ¶5-8 ne adaka a ɛwɔ kr. 28 (Simma 5)

Ɔsom Nhyiamu:

Dwom 12

10 min: Bisabisa Ɔsom Adwuma Sohwɛfoɔ no Nsɛm. Adwuma bɛn na woyɛ wɔ asafo no mu? Adeɛ pɔtee bɛn nti na ɛma wokɔsra asɛnka kuo ahodoɔ no? Asɛnka kuo no mufoɔ bɛyɛ dɛn anya wo nsrahwɛ no so mfasoɔ? Sɛ ɔdawurubɔfoɔ bi bɛka kyerɛ wo sɛ ɔhia mmoa na ama watumi ayɛ asɛnka adwuma no fã bi yie a, dɛn na woyɛ de boa no?

20 min: “Nea Ɛbɛma Yɛatu Mpɔn wɔ Asɛnka Mu​—Dwene Afoforɔ Ho.” Ɔkasa ne nkɔmmɔbɔ. Mosusu nkyekyɛmu ahodoɔ no ho wie a, ma wɔnyɛ ɔyɛkyerɛ mmienu. Ɔyɛkyerɛ a ɛdi kan no, ma ɔdawurubɔfoɔ no mfa nwoma a yɛde rema bosome yi mu no mma, nanso ɔrenyɛ biribiara a ɛkyerɛ sɛ ɔdwene onipa no ho. Nea ɛtɔ so mmienu no mu no, ɔnkyerɛ sɛ ɔdwene onipa no ho.

Dwom 84 ne Mpaebɔ