Ɔsom Adwuma Nkɔso

March 2015 mu no, yɛfii aseɛ sii adan a nsɛm asekyerɛfo a wɔka Ewe kasa bɛtena mu wɔ Viepe wɔ Aflao mpɔtam. Bio nso, Akwankyerɛ Kuw no ama kwan sɛ nsɛm asekyerɛfo a wɔka Frafra kasa nkɔ Bolgatanga, na Twi ne Ghana Mum Kasa nso nkɔ Kumasi. Wɔama kwan sɛ wɔn a wɔka Dangme nso nkɔ Somanya. Wei kyerɛ sɛ anuanom a wɔkyerɛ yɛn nwoma ase kɔ kasa horow yi nyinaa mu no bɛtu afi Accra Betel akɔ mmeae a yɛabobɔ din yi akɔyɛ wɔn adwuma no wɔ hɔ.

Yɛnim sɛ mobɛkɔ so abɔ mpae na moayi ntoboa ma adwumasono yi akɔ so fɛfɛɛfɛ wɔ Ghana ha. Yɛsrɛ sɛ Yehowa nhyira ahofama a moda no adi no so.—Ex. 35:5, 10, 21; Mmeb. 10:22.