Nsɛm a Yɛbɛtumi Aka

Ɔwɛn-Aban August 1

“Yɛresrasra mpɔtam hafo ama wɔahu ɔkwan a wɔbɛfa so agyina ɔhaw bi a yɛn nyinaa rehyia ano. Mesrɛ wo, wonnye ntom sɛ ɔhaw baako a ɛte koma paa ne owuo? Wo deɛ, hwɛ sɛ wo dɔfo bi awu, ɛte sɛn? [Twɛn ma ɔmmua.] Ɛnneɛ, yɛnhwɛ awerɛkyekyesɛm bi a Bible wɔ ma yɛn. [Kenkan Adiyisɛm 21:3, 4.] Enti Bible ma yɛnya anidaso sɛ da bi bɛba a yɛn adɔfo a wɔawuwu bɛsan aba nkwa mu bio. Nwoma yi bɛma woahu ɔkwan a wei bɛfa so aba.”

Nyan! August

“Yɛde asɛm bi rekyerɛ mpɔtam hafo ma wɔahu adwumasono a yɛn nkwammoaa (nea yɛfrɛ no cell no) tumi yɛ. [Fa asɛm a ɛwɔ Nyan! no anim kyerɛ no.] Nnipa pii gye di sɛ nkwa nam adannandi so na ɛbaeɛ, na ebinom nso susu sɛ obi na ɔbɔeɛ. Wo nso ɛ, w’adwene yɛ wo sɛn? [Twɛn ma ɔmmua.] Nhwehwɛmu ama ada adi sɛ nneɛma a nkwammoaa tumi yɛ no boro yɛn adwene so. Wei nti nyansahufo bi reka sɛ ɛbɛyɛ sɛ Ɔbɔadeɛ bi na ɔhyɛɛ da yɛɛ nkwa.”