Wugye Di Paa sɛ Yehowa Bɔhyɛ Ahorow Bɛbam?

Yosua ne Solomon nyinaa huu sɛ Yehowa asɛm baako mpo antɔ fam; ne bɔhyɛ nyinaa baam. (Yos 23:14; 1Ah 8:56) Fapem a ɛyɛ den a yetumi de yɛn gyidi gyina so no, adansefo anokwafo mmienu yi anom asɛm no hyɛ mu den.—2Ko 13:1; Tit 1:2.

Dɛn na Yehowa yɛe de dii ne bɔhyɛ so wɔ Yosua bere so? Wo ne w’abusua nhwɛ video a yɛato din “Asɛm Baako Mpo Ntɔɔ Fam” no. Muwie a, mummua nsɛmmisa yi: (1) Nea Rahab yɛ de kyerɛe sɛ ɔwɔ gyidi no, wobɛyɛ dɛn asuasua? (Heb 11:31; Yak 2:24-26) (2) Ɔkwan bɛn so na Akan asɛm no ma yehu sɛ, sɛ obi hyɛ da yɛ asoɔden a, otwa so aba yayaayaw? (3) Ɛwom sɛ na Gibeonfo nim akodi paa, nanso adɛn nti na wɔdaadaa Yosua na wɔne Israel yɛɛ asomdwoe apam? (4) Bere a Amorifo ahene baanum yɛe sɛ wɔne Israel rebɛko no, ɔkwan bɛn so na Yehowa asɛm baam? (Yos 10:5-14) (5) Bere a wode Onyankopɔn Ahenni ne ne trenee dii kan wɔ w’asetenam no, ɛdɛn na Yehowa yɛ maa wo?—Mt 6:33.

Sɛ yɛtena ase hwɛ nea Yehowa ayɛ, nea ogu so reyɛ, ne nea ɔbɛyɛ daakye a, ɛma yenya gyidi paa sɛ ne bɔhyɛ ahorow bɛbam.—Ro 8:31, 32.