Sɛ Wo Ho Kyere Wo Wɔ Abrabɔ Mu a, Mmɔ Hu

Awiei mmere yi mu no, ɔhaw nko ara na atwa yɛn ho ahyia. Bɛn ara na yɛrebɛn wiase awiei, enti ɔhaw a yehyia no nso, dɔ ara na ɛredɔɔso. Asetenam nneɛma a yehia no bi wɔ hɔ a, ebetumi mpo aba sɛ yɛrennya. (Hab 3:16-18) Dɛn na ɛbɛboa yɛn na sɛ yɛkɔ ahokyere mu a, yɛammɔ hu? Ɛsɛ sɛ yɛkɔ so nya Yehowa yɛn Nyankopɔn mu awerɛhyem. Wahyɛ bɔ sɛ ɔbɛhwɛ n’asomfo, na sɛnea ɛte biara ɔbɛma yɛn nea yehia.—Dw 37:18, 19; Heb 13:5, 6.

Nea wubetumi ayɛ:

• Srɛ Yehowa sɛ ɔmma wo akwankyerɛ ne nyansa, na ɔmmoa wo.—Dw 62:8

• Sɛ adwuma bi ba w’akwan mu na wonyɛɛ bi da mpo a, sɔ mu.—g-E 1/10 8-9, nnaka

• Kɔ so yɛ nneɛma a ɛbɛma wo ne Yehowa ntam ayɛ papa. Ebi ne sɛ, kenkan Bible da biara, kɔ asafo nhyiam, na yɛ asɛnka adwuma no

HWƐ VIDEO A YƐATO DIN SI OFIE A EBETUMI AGYINA—MA ‘NEA WOWƆ NO ARA NNƆƆSO MMA WO.’ WUWIE A, BUA NSƐMMISA A EDIDI SO YI:

• Ɔhaw bɛn na mmusua binom wom?

• Dɛn na ɛho hia paa wɔ asetena mu?

• Dɛn na yebetumi ayɛ aboa wɔn a wɔn ho kyere wɔn wɔ abrabɔ mu?