NEA ADESUA NSƐM WOM

Asomdwoe soronko wɔ Yehowa nkurɔfo ntam wɔ n’ahyehyɛde no fã a ɛwɔ asase so no mu. Dɛn na yɛbɛyɛ de akyerɛ sɛ yɛwɔ anisɔ kɛse ma nokware som ho nhyehyɛe a Yehowa ayɛ no? Dɛn na yɛn mu biara bɛtumi ayɛ ama saa asomdwoe no adɔɔso? Adesua yi bɛma yɛanya nsɛmmisa yi ho mmuaeɛ.

Adesua yi bɛkyerɛkyerɛ anigyesɛm a ɛbɛsisi daakye no bi mu. Afei nso, yɛbɛhu nea enti a yɛbɛtumi de yɛn ho ato Yehowa so koraa wɔ ahohiahia kɛse no mu.

Nnipa pii a wɔwɔ Satan wiase nnɛ de wɔn koma afam wɔn man, wɔn abusua, ne wɔn amammerɛ ho. Nanso yɛn deɛ, yɛahyɛ Yehowa bɔ sɛ yɛbɛdi no nokware. Adesua yi bɛma yɛahu nea enti a yɛnnyina ɔfã biara wɔ wiase nsɛmnsɛm mu. Afei ɛbɛma yɛahu sɛnea yɛbɛnya Yehowa ne Yesu adwene.

Yehowa nkurɔfo a wɔwɔ wiase nyinaa hyiam wɔ Ahenni Asa so ne adan foforo mu som Yehowa. Adesua yi mu no, yɛbɛhu Bible mu afotusɛm a ɛbɛboa yɛn ma yɛanya obu ama baabi a yɛhyiam som no. Yɛbɛhu sɛnea yɛbɛyi sika aboa, na yɛahwɛ asa no so yie na ama yɛahyɛ Yehowa anuonyam.