‘Adwenem Nyarewa Ho Nsɛnnennen’

Canada Fekuw ma Amanaman Ntam Akwahosan no krataa bi a wɔato din Synergy mu asɛm bi ka sɛ: “Ɛmfa ho nkɔanim akɛse a yɛanya wɔ ayaresa ahorow pii mu no, adwenem nyarewa abɛyɛ asɛnnennen wɔ wiase nyinaa.”

Amanneɛbɔ bi kyerɛe sɛ wɔ wiase nyinaa no, nnipa 4 mu 1 biara wɔ adwene, nkate, anaa nneyɛe mu yare bi. Nhwehwɛmu foforo kyerɛe sɛ, sɛ ayarefo 3 biara kohu ɔyarehwɛfo a, nea ɛde wɔn mu 1 kɔ hɔ ne adwenemhaw anaa adwennwene. Nhwehwɛmufo ka sɛ saafo yi dodow rekɔ soro.

Dɛn ntia? Harvard Sukuupɔn no Asoɛe ma Ayaresa a Wɔhwɛ Obi Nsɛm Tebea Ma No no nhwehwɛmu bi ka sɛ nyarewa bi te sɛ adwenemhaw, adammɔ, ne tirimka redɔɔso efisɛ “nnipa pii nyin du baabi a ɛmma ɛnyɛ den sɛ wobenya bi.” Nanso ɛnyɛ nyin a nkurɔfo nyin kyɛ nkutoo na ama aba saa. Sikasɛm mu ahokyere ne nnɛyi asetra mu dadwen nso ka ho.

Ɛbɛyɛ dɛn na tebea a anidaso nnim yi asesa? Abenfo ka sɛ ɛsɛ sɛ wɔde adwenem ayaresa di ayaresa ahorow pii no kan efisɛ “ɛka nneɛma a etwa to koraa a aka a esiw nnipa nkɔso kwan no ho.”