Ɔwɛn-Aban INTANƐT SO NHOMAKORABEA
Ɔwɛn-Aban
INTANƐT SO NHOMAKORABEA
Twi
?
  • ã
  • á
  • ẽ
  • é
  • ɛ
  • ɛ̃
  • ĩ
  • õ
  • ɔ
  • ũ
  • Ã
  • Á
  • Ẽ
  • É
  • Ɛ
  • Ɛ̃
  • Ĩ
  • Õ
  • Ɔ
  • Ũ
  • BIBLE
  • NHOMA
  • ASAFO NHYIAM
  • fg adesua 5 nsɛmmisa 1-5
  • Dɛn Nti na Onyankopɔn Bɔɔ Asase?

Nea woapaw yi, video biara nni ho.

Yɛsrɛ wo, video no antumi ammɔ.

  • Dɛn Nti na Onyankopɔn Bɔɔ Asase?
  • Asɛmpa A Efi Onyankopɔn Hɔ!
  • Nsɛm a Ɛne No Di Nsɛ
  • Dɛn Nti na Onyankopɔn Bɔɔ Asase?
    Ɔwɛn-Aban Ɛka Yehowa Ahenni Kyerɛ—2011
  • Dɛn Ne Onyankopɔn Atirimpɔw Ma Asase?
    Dɛn na Oyankopɔn Hwehwɛ Fi Yɛn Hɔ?
  • Paradise a Bible Ka Ho Asɛm no Wɔ He?
    Ɔwɛn-Aban Ɛka Yehowa Ahenni Kyerɛ—2011
  • “Yebehyia Wɔ Paradise!”
    Ɔwɛn-Aban Ɛka Yehowa Ahenni Kyerɛ (Nea Adesua Nsɛm Wom)—2018
Hwɛ Pii Ka Ho
Asɛmpa A Efi Onyankopɔn Hɔ!
fg adesua 5 nsɛmmisa 1-5

ADESUA 5

Dɛn Nti na Onyankopɔn Bɔɔ Asase?

1. Dɛn nti na Onyankopɔn bɔɔ asase?

Adam ne Hawa a wɔwɔ Eden turo mu na akyiri wɔpam wɔn fii turo no mu

Yehowa bɔɔ asase maa mmarima ne mmea. Ɛyɛ yɛn fie. Enti, wɔammɔ nnipa baanu a wodi kan a wɔne Adam ne Hawa no sɛ wɔnwo nhyɛ ɔsoro mã, efisɛ na Onyankopɔn abɔ abɔfo dedaw sɛ wɔntena soro. (Hiob 38:4, 7) Mmom no, Onyankopɔn de ɔbarima a odi kan no kɔtenaa paradise bi a emu yɛ anigye a wɔfrɛ hɔ Eden turo mu. (Genesis 2:15-17) Yehowa maa Adam ne ne mma a na ɔbɛwo wɔn no anidaso sɛ wɔbɛtena asase so daa.​—Kenkan Dwom 37:29; 115:16.

Mfiase no, Eden turo no nkutoo na na ɛyɛ paradise. Ná nnipa baanu a wodi kan no bɛwo ahyɛ asase so mã. Bere bi akyi no, na wobedi asase nyinaa so na wɔayɛ no paradise. (Genesis 1:28) Wɔrensɛe asase da. Ɛbɛyɛ nnipa fie bere nyinaa.​—Kenkan Dwom 104:5.

Hwɛ video a yɛato din Dɛn Nti Na Onyankopɔn Bɔɔ Asase?

2. Dɛn nti na seesei asase nyɛ paradise?

Adam ne Hawa yɛɛ Onyankopɔn so asoɔden, enti Yehowa pam wɔn fii turo no mu. Paradise yerae, na onipa biara ntumi nsan mfa mmae bio. Bible ka sɛ: “Asase mpo, ɔde ahyɛ ɔbɔnefo nsa.”—Hiob 9:24.​—Kenkan Genesis 3:23, 24.

Nkurɔfo a wɔresisi afie wɔ paradise a wɔasan de aba

So Yehowa ayi n’adwene afi nea enti a ɔbɔɔ nnipa guu asase so no so? Dabi! Ɔno ne ade nyinaa so tumfoɔ. Nea ɔka biara ba mu. (Yesaia 45:18) Ɔbɛsan de nnipa aba asetena a mfiase no na ɔpɛ sɛ wonya no mu bio.​—Kenkan Dwom 37:11, 34.

3. Ɛbɛyɛ dɛn na wɔasan de Paradise aba?

Wɔbɛsan de Paradise aba asase so bere a Yesu redi ade sɛ Onyankopɔn Hene no. Yesu bedi Onyankopɔn abɔfo anim ma wɔasɛe wɔn a wɔsɔre tia Onyankopɔn nyinaa wɔ ɔko bi a wɔfrɛ no Harmagedon mu. Ɛno akyi no, Yesu de Satan bɛto afiase mfe 1,000. Onyankopɔn nkurɔfo benya nkwa wɔ ɔsɛe no mu efisɛ Yesu bɛkyerɛ wɔn kwan na wabɔ wɔn ho ban. Wobenya daa nkwa wɔ Paradise wɔ asase so.​—Kenkan Adiyisɛm 20:1-3; 21:3, 4.

4. Bere bɛn na amanehunu befi hɔ?

Bere bɛn na Onyankopɔn beyi bɔne afi asase so? Yesu de “sɛnkyerɛnne” bi a ɛbɛma yɛahu bere a awiei no abɛn no mae. Nneɛma a ɛrekɔ so wɔ wiase nnɛ no betumi atɔre nnipa ase, na ɛma yehu sɛ seesei yɛte “bere a ɛwɔ hɔ yi awiei” mu.​—Kenkan Mateo 24:3, 7-14, 21, 22.

Wɔ mfe 1,000 a Yesu befi soro adi asase so tumi no mu no, obeyi amanehunu nyinaa afi hɔ koraa. (Yesaia 9:6, 7; 11:9) Yesu bedi Hene, na wasan ayɛ Ɔsɔfo Panyin, na ɔbɛpopa wɔn a wɔdɔ Onyankopɔn no bɔne. Enti, Onyankopɔn nam Yesu so beyi yare, nkwakoraabɔ ne mmerewabɔ, ne owu afi hɔ.​—Kenkan Yesaia 25:8; 33:24.

5. Henanom na wɔbɛtena Paradise a ɛbɛba no mu?

Nkurɔfo a wɔresua ade wɔ Ahenni Asa so

Sɛ wokɔ Ahenni Asa so a, wubehyia nnipa a wɔdɔ Onyankopɔn na wɔpɛ sɛ wosua sɛnea wɔbɛsɔ n’ani wɔ hɔ

Nnipa a wɔyɛ osetie ma Onyankopɔn na wɔbɛtena Paradise. (1 Yohane 2:17) Yesu somaa n’akyidifo no sɛ wɔnkɔhwehwɛ ahobrɛasefo na wɔnkyerɛkyerɛ wɔn sɛnea wobetumi asɔ Onyankopɔn ani. Ɛnnɛ, Yehowa rekyerɛkyerɛ nnipa ɔpepem pii na ama wɔanya Paradise a ɛbɛba asase so no mu atena. (Sefania 2:3) Wɔ Yehowa Adansefo Ahenni Asa ahorow so no, nkurɔfo sua sɛ wɔbɛyɛ okununom ne agyanom pa, ne ɔyerenom ne ɛnanom pa. Mmofra ne awofo nyinaa bom som, na wosua sɛnea wobenya asɛmpa no so mfaso.​—Kenkan Mika 4:1-4.

Sɛ wopɛ eyi ho nsɛm pii a, hwɛ Dɛn na Yebetumi Asua Afi Bible Mu? nhoma no ti 3.

    Twi Nhoma Ahorow (1980-2025)
    Fi Mu
    Kɔ Mu
    • Twi
    • Fa Mena
    • Yɛ Nsakrae a Wopɛ Wɔ Ha
    • Copyright © 2025 Watch Tower Bible and Tract Society of Pennsylvania
    • Wɛbsaet No Ho Nhyehyɛe
    • Sɛnea Yɛde Wo Ho Nsɛm Di Dwuma
    • Kyerɛ Sɛnea Wopɛ Sɛ Yɛde Wo Ho Nsɛm Di Dwuma
    • JW.ORG
    • Kɔ Mu
    Fa Mena