Ɔfã 1: Ntimu

Nneɛma a Bible aka sɛ ebesisi daakye no, adɛn nti na w’ani gye ho?

Adɛn nti na wugye di sɛ Bible no yɛ ­Onyankopɔn Asɛm?

Adɛn nti na ehia sɛ yɛde Onyankopɔn din ­Yehowa frɛ no?

Bible ka sɛ “nkwa fi” Onyankopɔn hɔ. (Dwom 36:9) Wugye saa asɛm no di?

Monkenkan Mmebusɛm 3:32.

• Adɛn nti na yebetumi aka sɛ adamfo biara nni hɔ a ɔte sɛ Yehowa?

• Dɛn na Yehowa hwɛ kwan sɛ ne nnamfo bɛyɛ? Wohwɛ a, nea ɔpɛ sɛ ne nnamfo yɛ no, ɛyɛ den dodo?

  (Hwɛ Adesua 07 ne 08.)

Monkenkan Dwom 62:8.

• Nneɛma bɛn na woabɔ ho mpae akyerɛ ­Yehowa? Ade foforo bɛn na wubetumi aka ho asɛm akyerɛ Yehowa?

• Ɔkwan bɛn na Yehowa fa so bua yɛn mpaebɔ?

  (Hwɛ Adesua 09.)

Monkenkan Hebrifo 10:24, 25.

• Wokɔ Yehowa Adansefo nhyiam a, ɛbɛboa wo sɛn?

• Wohwɛ a, mfaso wɔ so sɛ wobɛbɔ mmɔden akɔ Yehowa Adansefo nhyiam anaa?

  (Hwɛ Adesua 10.)

Adɛn nti na ɛsɛ sɛ yɛkenkan Bible da biara? Bere bɛn na woayi asi hɔ a wode kenkan Bible da biara?

Baabi a yɛasua nhoma yi abedu yi, dɛn na w’ani agye ho paa wɔ adesua no ho?

Efi bere a yefii ase sɛ yɛresua nhoma yi, ɔhaw bɛn na woahyia? Dɛn na ebetumi aboa wo ama woatoa adesua no so?