Asemmisa Afã

● September 1, 1981, Ɔwɛn-Aban no daa no adi sɛ paw a wɔpaw obi sɛ Onyankopɔn somfo no ba bere a wɔabɔ obi asu. Ɛnde ɔkwan bɛn so na eyi ka adwene a yɛwɔ wɔ wɔn a wɔfata sɛ wɔhwɛ ayeforohyia so no ho?

Esiane sɛ Kristofo aware yɛ apam a ɛho hia a nnipa baanu yɛ wɔ Yehowa anim nti, ɛsɛ sɛ ɔsomfo a ne ho akokwaw yiye na ɔhwɛ ayeforohyia no, ma aware kasa no na ɔka wɔn bom. Enti ɛyɛ papa sɛ asafo no mu mpanyimfo, mmarima a wɔka wɔn ho asɛm pa wɔ asafo no mu di eyi ho dwuma na biribiara akɔ so pɛpɛɛpɛ.

Wobetumi ahu nsɛm a ɛfa ayeforohyia kasa ne aware ntam a wɔagye atom no wɔ February 1, 1970 Ɔwɛn-Aban mu, nkratafa 49-54, ne Engiresi Ɔwɛn-Aban May 1, 1974, nkratafa 274-277; March 15, 1977, nkratafa 172-185 ne Engiresi Nyan! May 22, 1974, nkratafa 3-6.

Nhyehyɛe a wɔyɛ hyia ayeforo ɛwɔ Ahenni Asa so no yɛ nea ɛsɛ sɛ asafo no mu mpanyimfo pene so ansa. Esiane sɛ Kyerɛwsɛm mu akwankyerɛ ne sɛ ɛsɛ sɛ yɛware “Awurade mu nko” (1 Kor. 7:39) nti, ɛsɛ sɛ wɔn a wɔhwɛ ayeforohyia so no twe wɔn ho fi wɔn a wɔtwe aware kɔndua a ɛnsɛ no ayeforohyia so a wɔbɛhwɛ ho, na ɛnsɛ sɛ wɔyɛ ayeforohyia a ɛtete saa nso wɔ Ahenni Asa no so. Sɛ tebea bi a ɛyɛ soronko koraa sɔre wɔ eyi fam a, ɛyɛ papa sɛ wɔkyerɛw Asafo ti no wɔ nsɛm tebea no ho.