Nea Yɛbɛka Afa Yɛn Nsɛmma Nhoma Ho

Ɔwɛn-Aban May 1

“Nnipa ɔpepem pii di hia buruburoo wɔ wiase nyinaa. Wususuw sɛ dɛn na yebetumi ayɛ de aboa wɔn? [Twɛn ma ommua. Afei kenkan 1 Petro 2:21.] Nsɛmma nhoma yi kyerɛkyerɛ sɛnea yebetumi asuasua Yesu nhwɛso na yɛahu ahiafo mmɔbɔ no mu.”

Nyan! May

“Woasusuw nea enti a yenyinyin bɔ nkwakora ne mmerewa no ho pɛn? [Twɛn ma ommua.] Nea enti a yenyinyin ho nkyerɛkyerɛmu a Bible de ma no nso kyerɛ sɛnea Onyankopɔn bɛma yɛanya daa nkwa no mu. [Kenkan Yesaia 25:8.] Awake! yi pɛɛpɛɛ adwene foforo a wɔanya nnansa yi wɔ onyin ho no mu.”

Ɔwɛn-Aban May 15

“Wususuw sɛ wubetumi anya asetra a wɔaka ho asɛm wɔ Bible mu yi? [Kenkan 2 Petro 3:13. Afei twɛn ma ommua.] Nsɛmma nhoma yi kyerɛkyerɛ nea ɔsoro foforo ne asase foforo no yɛ mu. Ɛsan kyerɛkyerɛ sɛnea asetra bɛyɛ soronko bere a Onyankopɔn di n’atirimpɔw ma asase ho dwuma no mu.”

Nyan! May

“Nnipa binom susuw sɛ, sɛ obi bedi yiye wɔ nnɛ wiase yi mu a, gye sɛ ɔma n’ani yɛ den. Nanso hyɛ nea Yesu kyerɛe sɛ yɛnyɛ wɔ ha no nsow. [Kenkan Mateo 5:5, 9.] Wugye saa asɛm no tom? [Twɛn ma ommua.] Nsɛmma nhoma yi twe adwene si mfaso abiɛsa a yenya bere a yɛne afoforo tra wɔ asomdwoe mu no so.” Fa asɛm a ɛwɔ kratafa 28 no kyerɛ no.