“W’ahenni Mmra”—Mpae a Nnipa Ɔpepem Pii Bɔ
Woabɔ mpae aka sɛ Onyankopɔn Ahenni mmra pɛn? Efi tete na nnipa ɔpepem pii abɔ mpae aka sɛ “W’ahenni mmra.” Adɛn nti na wɔka saa asɛm no wɔ wɔn mpaebɔ mu? Nea enti a ɛte saa ne sɛ, Yesu ka kyerɛɛ n’akyidifo sɛ wɔmmɔ mpae sɛ Onyankopɔn Ahenni mmra.
Nsɛm a Yesu ka faa Ahenni no ho no, ɛnyɛ ne nyinaa na n’akyidifo no tee ase saa bere no. Bere bi wobisaa no sɛ: “Awurade, saa bere yi na wode ahenni no resan asi hɔ ama Israel anaa?” Yesu amma wɔn mmuae tẽẽ, na ɛbɛyɛ sɛ ɛyɛɛ wɔn nwonwa. (Asomafo Nnwuma 1:6, 7) Ɛnde yemmisa sɛ, wei kyerɛ sɛ, sɛ obi bisa sɛ, dɛn ne Onyankopɔn Ahenni, na bere bɛn na ɛbɛba a, ɔrentumi nnya ho mmuae anaa? Ɛnte saa koraa!
Ɔwɛn-Aban yi bɛma woanya nsɛmmisa a edidi so yi ho mmuae:
Adɛn nti na yehia Onyankopɔn Ahenni?
Hena ne Onyankopɔn Ahenni no so hene?
Bere bɛn na Onyankopɔn Ahenni bɛba abedi asase so?
Dɛn na Onyankopɔn Ahenni bɛyɛ?
Adɛn nti na ɛsɛ sɛ wugyina Onyankopɔn Ahenni no akyi nnɛ?
Dɛn ne Onyankopɔn Ahenni?