Nea Yɛbɛka Afa Yɛn Nsɛmma Nhoma Ho

Ɔwɛn-Aban Dec. 1

“Woahyɛ no nsow sɛ ɛsono adwene a obiara wɔ wɔ ahotew ne ahonidi ho? [Twɛn ma ommua.] Tie ade biako nti a ahotew ho hia. [Kenkan 1 Petro 1:16.] Nsɛmma nhoma yi de nyansahyɛ bi a ɛbɛboa ma yɛakɔ so adi yɛn ho ni ma.” Fa asɛm a ɛwɔ kratafa 9 no kyerɛ no.

Awake! Dec.

“Edu saa bere yi a, nnipa pii bɔ mmɔden sɛ wobedi Yesu ni. Sɛnea kyerɛwsɛm yi ka no, ɔkwan pa bɛn na wohwɛ a yebetumi afa so adi Yesu ni? [Kenkan Yohane 14:15. Twɛn ma ommua.] Obiara nnim da pɔtee a wɔwoo Yesu, na ebia ɛbɛyɛ wo nwonwa sɛ wubehu nea nti a wɔpaw December 25 sɛ Buronya da.” Fa asɛm a ɛwɔ kratafa 10 no kyerɛ no.

Ɔwɛn-Aban Jan. 1

“Ɛsono adwene a nnipa a wɔwɔ wiase nyinaa kura wɔ Yesu maame Maria ho. Adwene bɛn na wo nso wowɔ? [Twɛn ma ommua.] Bible ma yehu sɛ Maria dii dwuma titiriw bi wɔ nnipa abakɔsɛm mu. [Kenkan Luka 1:30-32.] Nsɛmma nhoma yi kyerɛkyerɛ nea yebetumi asua afi ne nhwɛso no mu mu.”

Awake! Jan.

“Atare ne nsubɔnten pii a ɛwɔ wiase no reyow, na nnipa ɔpepem pii nnya nsu pa nnom. Wususuw sɛ nnipa betumi adi ɔhaw yi ho dwuma korakora? [Twɛn ma ommua. Afei kenkan Yeremia 10:23.] Saa nsɛmma nhoma yi ma yehu sɛnea Bible ka sɛ wobedi ɔhaw yi ho dwuma koraa.”