Nea Yɛbɛka Afa Yɛn Nsɛmma Nhoma Ho

The Watchtower April 1

“Yesu baa asase so wu kɔe no, mfe 2,000 atwam, nanso nnipa pii da so ara kae ne nsɛm a tumi wom no. Wudwen nea ɔkae wɔ ha yi ho dɛn? [Kenkan Mateo 7:12, na twɛn ma ommua.] Nsɛmma nhoma yi ka sɛnea Yesu nsɛm no betumi aka wo no ho asɛm.” Fa asɛm a ɛwɔ kratafa 4 no kyerɛ no.

Awake! April

Kenkan Dwom 37:9-11. Afei bisa sɛ: “Wususuw sɛ sɛ saa asɛm yi ba mu a, wiase no tebea bɛyɛ dɛn? [Twɛn ma ommua.] Nsɛmma nhoma yi ka nkɔmhyɛ yi ho asɛm na ɛkyerɛkyerɛ nea enti a nneyɛe bɔne kɔ so wɔ wiase nnɛ no mu.” Fa asɛm a ɛwɔ kratafa 20 no kyerɛ no.

The Watchtower May 1

“Woadwen nea enti a Onyankopɔn ma amanehunu ho kwan no ho pɛn? [Twɛn ma ommua.] Hwɛ nea Bible kyerɛwfo bi kae wɔ asɛm bi a nnipa pii bisa no ho. [Kenkan Dwom 10:1.] Bible no ka nea enti a Onyankopɔn ama amanehunu ho kwan ne nea ɔreyɛ de ayi afi hɔ, na nsɛmma nhoma yi kyerɛkyerɛ mu.”

Awake! May

“Nnipa pii pɛ sɛ wogyae sigaretnom, nanso ne gyae yɛ wɔn den. Wunim obi a ɔpɛ sɛ ogyae nom? [Twɛn ma ommua.] Ebinom hwehwɛ mmoa fi wɔn nnamfo ne abusuafo hɔ. [Kenkan Ɔsɛnkafo 4:12a.] Nsɛmma nhoma yi de nyansahyɛ a ɛbɛboa obi ma wagyae sigaretnom ma.”