The Bible—Its Power in Your Life

Bible no aboa nnipa ɔpepem pii ma wɔn asetena ayɛ papa. Bible nnyinasosɛm ahorow bɛn na sɛ yɛde yɛ adwuma a ɛbɛboa ma yɛatumi adi ɔhaw a yehyia nnɛ no so? Akyinnye biara nni ho sɛ wubenya asɛmmisa yi ho mmuae bere a woahwɛ The Bible—Its Power in Your Life video no. Video ahorow abiɛsa na ɛwɔ The Bible—A Book of Fact and Prophecy DVD no so, na The Bible—Its Power in Your Life no na ɛto so abien. Sɛ wohwɛ video yi wie a, hwɛ sɛ wubetumi abua nsɛmmisa yi anaa.

(1) Dɛn nti na yebetumi aka sɛ Bible no nyɛ nhoma bi a edi mũ kɛkɛ? (Heb. 4:12) (2) Sɛ Bible no tumi boa ma nkurɔfo abrabɔ yɛ papa a, dɛn nti na adesamma hyia ɔhaw pii saa? (3) Bible no asɛmti ne dɛn? (4) Kyerɛw nsɛm bɛn na ɛwɔ video no mu a ebetumi aboa awarefo ma wɔatumi (a) adi nkitaho yiye (b) adi wɔn abufuw so? (5) Ɔkwan bɛn so na Kristofo adwene a wokura wɔ aware ho no tumi ma abusua asetena yɛ anigye? (Efe. 5:28, 29) (6) Ɔkwan bɛn so na Yehowa ayɛ nhwɛso pa ama awofo? (Mar. 1:9-11) (7) Dɛn na awofo betumi ayɛ na ama abusua adesua ayɛ anigye? (8) Bible adesua akyi no, dɛn bio na Onyankopɔn Asɛm hyɛ awofo nkuran sɛ wɔmfa mma wɔn mma? (9) Ɔkwan bɛn so na Bible afotu betumi aboa mmusua ma wɔahwɛ wɔn sikasɛm yiye? (10) Kyerɛwnsɛm mu nnyinasosɛm a ɛfa ahotew, nnubɔnenom, asabow, ne adwennwen ho bɛn na sɛ yɛde di dwuma a, ebetumi aboa ma yɛatew nyarewa so? (11) Bible bɔhyɛ ahorow bɛn na ebetumi awowaw yɛn? (Hiob 33:25; Dw. 145:16) (12) Nsakrae bɛn na nkyerɛkyerɛ a efi Onyankopɔn Asɛm mu ama woayɛ wɔ w’asetena mu? (13) Wobɛyɛ dɛn de video yi aboa afoforo?