Boa Wɔn ma ‘Wontintim wɔ Gyidi no Mu’

Sɛnea Yehowa rehyira anoboaboa adwuma no so no yɛ anigye paa. Ɛkame ayɛ sɛ, wɔbɔ nnipa ɔpehanu aduonum asu afe biara. (Deut. 28:2) Sɛ ɔdawurubɔfo bi boa osuani bi ma ɔbɔ asu wie a, nea ɛtaa ba ne sɛ ɔdawurubɔfo no gyae adesua no na ɔde n’adwene si nnipa afoforo a obetumi aboa wɔn so. Ebia osuani no nso ani begye ho sɛ obegyae adesua no sɛnea ɛbɛyɛ a obenya bere pii de ayɛ asɛnka adwuma no. Nanso ɛho hia paa sɛ Bible suani no nya nnyinaso pa wɔ gyidi no mu. Ɛsɛ sɛ wogye “ntini” wɔ Kristo mu na ‘wotintim wɔ gyidi no mu.’ (Kol. 2:6, 7; 2 Tim. 3:12) Ɛno nti, sɛ osuani no bɔ asu wie a, ɛsɛ sɛ wɔkɔ so ne no yɛ Bible adesua no kosi sɛ obewie Bible Kyerɛkyerɛ ne “Onyankopɔn Dɔ” nhoma no.—Hwɛ April 2011 Yɛn Ahenni Som no kratafa 2.