Nsɛm a Yebetumi Aka

De akyekyɛ Nkaedi nsato krataa no

“Nnipa ɔpepem pii behyiam wɔ wiase nyinaa akae Yesu Kristo wu no April 14. Yebetie Bible mu ɔkasa bi a ɛbɛma yɛahu mfaso a ɛwɔ ne wu no so. Yɛpɛ sɛ yɛto nsa frɛ wo; wɔn a wɔbɛba bi no ntua hwee. Baabi a yɛbɛyɛ no ne bere a yɛbɛyɛ nyinaa wɔ nsato krataa yi so.”

Ɔwɛn-Aban April 1

“Yɛaba sɛ yɛne wo rebesusuw asɛm bi ho tiawa; ɛfa biribi a nnipa nyinaa taa yɛ ho. Ɛmfa ho ɔsom a obiara wom no ɛkame ayɛ sɛ yɛn nyinaa bɔ mpae. Wugye di sɛ Onyankopɔn tie mpaebɔ, anaasɛ mpaebɔ yɛ biribi a ɛma yeyi yɛn adwene fi yɛn haw so kɛkɛ? [Twɛn ma ommua.] Tie nea Bible ka fa mpaebɔ ho. [Kenkan 1 Yohane 5:14.] Nsɛmma nhoma yi ma yehu sɛ mpaebɔ ho hia.”

Nyan! April

“Yɛpɛ sɛ yɛne wosusuw ɔhaw bi a ɛrekɔ so nnansa yi ho. Ebinom wɔ hɔ a sɛ asɛm bi hyɛ wɔn so a, na wɔpɛ sɛ wokum wɔn ho. Sɛ obi rehu amane paa a, wohwɛ a dɛn na onyae a anka ɔpɛ; owu, anaasɛ ɔpɛ sɛ ɔhaw no fi hɔ? [Twɛn ma ommua.] Bible mu asɛm yi aboa nnipa pii ma woanya nneɛma ho adwempa. [Kenkan Adiyisɛm 21:3, 4.] Nsɛmma nhoma yi bɛma woahu nneɛma mmiɛnsa bi a ɛno nti sɛ obi kɔ ɔhaw mu a ɛnsɛ sɛ onkum ne ho.”