Video Foforo a Yɛde Befi Bible Adesua Ase

Wɔde video tiawa bi ato jw.org. Wɔato din Adɛn Nti na Ɛsɛ sɛ Wusua Bible? Sɛnea wɔayɛ video no, sɛ obi hwɛ a ɛbɛkanyan no ama ɔne yɛn asua Bible a ontua hwee. Sɛ obi pɛ sɛ ɔhwɛ video no a, ɛsɛ sɛ ɔkɔ “Ma Obi ne Wo Mmesua Bible” afã a ɛwɔ jw.org so no. Ɔpɛ nso a obetumi de n’afiri askaane “quick response code” ahyɛnsode a ɛwɔ nkratawa foforo no akyi no. Yebetumi afa akwan a edidi so yi mu biara so de video no ayɛ adwuma.

• Sɛ worekɔyɛ sankɔhwɛ a, wubetumi aka akyerɛ ofiewura no sɛ: “Mɛpɛ sɛ miyi video tiawa bi kyerɛ wo. Ɛbɛboa wo ma woanya Bible nsɛmmisa ho mmuae.” Sɛ n’ani gye ho na wukura afiri bi a etumi kɔ Intanɛt so a, wubetumi ayi video no akyerɛ no. Anyɛ saa a, ma ɔnhwɛ wɔ ne kɔmputa so.

• Sɛ wode nkratawa foforo no bi ma obi a, kyerɛ no “quick response code” ahyɛnsode a ɛwɔ akyi no ma ɔmfa n’afiri nskaane. Nkratawa no bi wɔ hɔ a, sɛ wode w’afiri skaane “quick response code” no a, ɛde wobɛkɔ baabi a video no wɔ tẽẽ, enti wubetumi ahwɛ video no wɔ saa kasa no mu.

• Ka video yi ho asɛm kyerɛ wo mfɛfo adwumayɛfo, sukuufo, abusuafo, ne amannifo na ma wɔnhwɛ bi. Wopɛ nso a, fa Wɛbsaet no address fa e-mail so kɔma wɔn ma wɔnhwɛ.

Sɛ yɛde video foforo yi di dwuma a, yebetumi ne nnipa pii afi ase asua Bible no, na yɛaboa “wɔn a wɔpɛ daa nkwa” no ma wɔabɛsom Onyankopɔn.—Aso. 13:48.