Da Ahɔhoyɛ Adi na Wo ne Afoforɔ Nkyɛ “Nneɛma Pa” (Mat. 12:35a)

Yɛn nyinaa pɛ sɛ yɛne afoforɔ kyɛ “nneɛma pa,” na ɔkwan baako a yɛbɛtumi afa so ayɛ saa ne sɛ yɛbɛnya “ahɔhoyɛ” su. (Rom. 12:13) Enti sɛ obi fi baabi bɛma ɔkasa wɔ asafo no mu a, mpanimfoɔ no yɛ nhyehyɛe ma wɔsom no hɔhoɔ na wɔma no biribi kakra a ɔde bɛfa kar. Ɛnneɛ, yɛn a yɛaka nso ɛ? Ebia yɛbɛsusu sɛ yɛnni sika a yɛde bɛyɛ nneɛma akɛseɛ, anaa yɛn fie nni mũ sɛ ahɔhoɔ bɛba hɔ. Nanso sɛ yɛtie asɛm a Yesu ka kyerɛɛ Marta no a, yɛrensuro sɛ yɛbɛda ahɔhoyɛ adi. (Luka 10:39-42) Yesu daa no adi sɛ “deɛ ɛyɛ papa” wɔ ahɔhoyɛ ho ne fekubɔ ne nkuranhyɛ, na ɛnyɛ aduane sɔkyee anaa efie nwanwasoɔ biara. Sɛ yetie saa afotuo yi a, yɛn nyinaa bɛtumi ne yɛn nuanom akyɛ “nneɛma pa” sɛnea Onyankopɔn Asɛm kyerɛ no.​—3 Yoh. 5-8.