Yehowa Rempo Koma a Abubu

Dawid na ɔkyerɛw Dwom 51 no. Bere a odiyifo Natan yii n’atɛn wɔ bɔne kɛse a ɔne Bat-Seba yɛe ho no akyi na ɔkyerɛwee. Dawid ahonim fii ase haw no, na ɔbrɛɛ ne ho ase gyee ne mfomso toom.—2Sa 12:1-14.

Ná Dawid ayɛ bɔne de, nanso na ɔne Yehowa ntam betumi asan ayɛ papa

51:3, 4, 8-12, 17

• Ansa na ɔrennu ne ho aka ne bɔne no, n’ahonim haw no maa ne ho yeraw no

• Onyankopɔn ani annye nea ɔyɛe no ho. Wei haw no ara ma ɔtee nka sɛ obi a ne nnompe mu abubu

• Ná ɔpɛ sɛ Onyankopɔn de ne bɔne firi no ma ɔne ne ntam san yɛ papa, na wanya anigye a na ɔwɔ no

• Ofi ahobrɛase mu srɛɛ Yehowa sɛ ɔmmoa no mma onnyi ne yam ntie no

• Na ogye di paa sɛ Yehowa de ne bɔne befiri no