Onyankopɔn Dɔ Wo, Na Ɔpɛ Sɛ Wunya Nhyira a Enni Awiei

• Wo yam a anka wote wiase a ɔko, awudisɛm, ne wontwiwontwi nnim mu anaa?

• Sɛ yare, amanehunu, ne owu nni hɔ a, anka wopɛ?

• Wunyae a anka nneɛma a ɛma wo ho yeraw wo na egyaw wo adwinnwen no afi hɔ?

• Wo yam a anka baabi a wote no, atoyerɛnkyɛm biara nsi wɔ hɔ?

Yɛn Nyankopɔn a ɔwɔ ɔdɔ no, nea ɔbɔɔ yɛn asase fɛfɛ yi ahyɛ bɔ sɛ ɔbɛma nnipa atena ase asomdwoe mu na wɔn ani agye afebɔɔ. Wei nyɛ adaeso bi.

Yɛsrɛ wo, toa so kenkan nsɛm a edidi so no, na wubehu:

• Sɛnea yɛn Bɔfo no dwen nnipa ho

• Nea Onyankopɔn aka akyerɛ yɛn wɔ n’Asɛm mu

• Nea Onyankopɔn adiyifo aka afa nhyira a Onyankopɔn de ahyɛ yɛn bɔ no ho

• Nea yɛyɛ a ɛbɛma yɛn ani agye nnɛ, na afei yɛasan anya Onyankopɔn nhyira afebɔɔ

Nea edi kan no, ma yɛnhwɛ sɛnea Ɔbɔadeɛ no dɔ nnipa na odwen yɛn ho.