“Wonim Ne Kunu wɔ Kurow Apon Ano”

Ɔyere pa ma ne kunu nya din pa. Ɔhene Lemuel bere so no, sɛ ɔbarima bi wɔ ɔyere pa a, na ‘wonim ɔbarima no wɔ kurow apon ano.’ (Mme 31:23) Ɛnnɛ, anuanom mmarima a wɔwɔ din pa som sɛ asafo mu mpanyimfo ne asomfo. Mmarima a wɔaware no, sɛ wobetumi abɛyɛ mpanyimfo anaa asomfo a, wɔn yerenom mmoa ne wɔn abrabɔ pa ka ho bi paa. (1Ti 3:4, 11) Ɔyerenom a wɔte saa no, wɔn kununom ne asafo no nsi wɔn fam koraa.

Ɔyere pa yɛ nea edidi so yi de boa ne kunu ma ɔsom sɛ ɔpanyin anaa ɔsomfo:

• Ɔka nsɛm a ɛhyɛ nkuran kyerɛ ne kunu.​—Mme 31:26

• Sɛ ne kunu de ne bere boa asafo no koraa a, ɛnhaw no.​—1Te 2:7, 8

• Ɔnyɛ akɛsesɛm.​—1Ti 6:8

• Ommisabisa ne kunu asafo no kokoam nsɛm.​—1Ti 2:11, 12; 1Pe 4:15