Nea Ɛbɛma Yɛatu Mpɔn Wɔ Asɛnka Mu​—“Momfa Mo Ho Nsie Onyankopɔn Dɔ Mu” Nhoma No​—Sɛnea Yɛne Obi Besua Ama Aka Ne Koma

NEA ENTI A ƐHO HIA: Ɛsɛ sɛ nkurɔfo sua Yehowa akwan na wɔde bɔ wɔn bra na ama wɔn som asɔ n’ani. (Yes 2:3, 4) Nhoma a ɛto so mmienu a yɛne afoforo sua ne “Onyankopɔn Dɔ” nhoma no. Ɛboa Bible asuafo ma wohu sɛnea wɔde Bible nnyinasosɛm bɛbɔ wɔn bra da biara da wɔ asetena mu. (Heb 5:14) Ehia sɛ yɛbɔ mmɔden kyerɛkyerɛ wɔn ma ɛka wɔn koma. Ɛno bɛboa wɔn ama wɔayɛ nsakrae.​—Ro 6:17.

ƆKWAN A WOBƐFA SO AYƐ:

• To wo bo ase sua no yiye. Nea ɛbɛboa wo Bible suani no, ma ɛntena w’adwenem. Pɛ nsɛm bi a wubebisa osuani no ama woahu nea ɛwɔ ne koma mu ne sɛnea ɔte nka wɔ nea moresua no ho.​—Mme 20:5; be 259

• Adaka biara a ɛwɔ nhoma no mu no, wo ne wo Bible suani no nsusuw ho. Ma onhu sɛ, sɛ ɔde Bible nnyinasosɛm bɔ ne bra a, obenya so mfaso

• Boa wo suani no ma onhu sɛnea obetumi de n’ahonim asisi gyinae, nanso nsi gyinae biara mma no.​—Ga 6:5

• Fa w’ani to fam, ebia wubehu sɛ wo Bible suani no hia mmoa na ama ɔde Bible nnyinasosɛm bi ayɛ adwuma. Wuhu saa a, hyɛ no nkuran ma onhu sɛ, sɛ ɔdɔ Yehowa a, ehia sɛ ɔyɛ nsakrae.​—Mme 27:11; Yoh 14:31