Di Kristo Anammɔn Akyi Pɛɛ

Yesu yɛɛ nhwɛso maa yɛn sɛ yensuasua, titiriw bere a yɛrehyia sɔhwɛ anaa ɔtaa. (1Pe 2:21-23) Ɛwom sɛ nkurɔfo sopaa Yesu anaa wodii no atɛm de, nanso wanyɛ bi antua ka. Ɔrehu amane mpo, wanyɛ saa. (Mr 15:29-32) Ɛdɛn na ɛboaa no ma otumi gyinaa mu? Osii ne bo sɛ ɔbɛyɛ Yehowa apɛde. (Yoh 6:38) Afei ɔde n’adwene sii “anigye a na ɛda n’anim” no so.—Heb 12:2.

Sɛ yɛn gyidi nti nkurɔfo ne yɛn anni no yiye a, sɛn na yɛyɛ yɛn ade? Nokware Kristofo ‘mfa bɔne ntua bɔne so ka.’ (Ro 12:14, 17) Sɛ yesuasua sɛnea Kristo gyinaa amanehunu ano no a, yebetumi adi ahurusi, efisɛ Onyankopɔn gye yɛn tom.—Mt 5:10-12; 1Pe 4:12-14.

HWƐ VIDEO A YƐATO DIN YEHOWA DIN HO HIA SEN BIRIBIARA, NA BUA NSƐMMISA A EDIDI SO YI:

• Bere a wɔde Onuawa Pötzingera nko ara kɔtoo afiase dan bi mu no, ɔkwan bɛn so na ɔde ne bere yɛɛ adwuma yiye?

• Bere a wɔde Onua ne Onuawa Pötzinger koguu nneduaban ahorow mu no, amanehunu bɛn na wogyinaa ano?

• Ɛdɛn na ɛboaa wɔn ma wogyinaa ano?