Fa Anigye To Dwom Yi Yehowa Ayɛ

Bere a Paulo ne Silas gu afiase no, wɔtoo dwom yii Yehowa ayɛ. (Aso 16:25) Biribiara kyerɛ sɛ dwom a wɔtoe no hyɛɛ wɔn den ma wotumi gyinaa tebea no ano. Yɛn nso ɛ? Sɛ yehyia sɔhwɛ a, nnwom a yɛto wɔ asafo nhyiam ase ne nea asafo no ayɛ nanso enni yɛn nnwom nhoma mu no betumi ahyɛ yɛn den, na aboa yɛn ama yɛakɔ so adi nokware. Ne kɛse koraa ne sɛ, yɛde yi Yehowa ayɛ. (Dw 28:7) Wɔahyɛ yɛn nkuran sɛ anyɛ yiye koraa no, yɛnkyere nnwom no bi mu nsɛm ngu yɛn tirim. Woabɔ mmɔden sɛ wobɛyɛ saa? Sɛ yɛreyɛ abusua som a, yebetumi asua sɛnea yɛto nnwom ahorow no, na yɛakyere emu nsɛm no agu yɛn tirim.

HWƐ VIDEO A YƐATO DIN MMOFRA TO DWOM DE YI YEHOWA AYƐ, NA BUA NSƐMMISA A EDIDI SO YI:

• 

  Sɛ yɛto Ahenni nnwom a, mfaso bɛn na yebetumi anya?

• 

  Sɛ anuanom rebɛto nnwom ama wɔakyere agu afiri so a, dɛn na Audio/Video Dwumadibea no yɛ de siesie wɔn ho?

• 

  Sɛ mmofra no rebɛto nnwom a, dɛn na wɔne wɔn awofo yɛ de siesie wɔn ho?

• 

  Ahenni nnwom bɛn na ɛyɛ wo dɛ pa ara? Adɛn ntia?