Asaase “Menee Asubɔnten No”

Efi teteete na wiase atumfoɔ binom atwitwa agye Yehowa nkurɔfo. (Esr 6:1-12; Es 8:10-13) Saa ara na ɛnnɛ nso, “asaase” anaa wiase atumfoɔ binom a wɔwɔ adwempa tumi mene ɔtaa a ɛte sɛ “asubɔnten” a “ɔwɔ no” anaa Satan Ɔbonsam de ba no. (Adi 12:16) Ɛtɔ da a, Yehowa, “yɛn nkwagye Nyankopɔn” no tumi ka atumfoɔ no bi koma ma wotwitwa gye ne nkurɔfo sɛnea ɛbɛyɛ a wobenya kwan asom no.—Dw 68:20; Mme 21:1.

Sɛ wo gyidi nti, wɔde wo ato afiase nso ɛ? Nnya adwene da sɛ Yehowa ayi wo towkyene. (Ge 39:21-23; Dw 105:17-20) Nya awerɛhyem sɛ, wo nokwaredi no hyɛ wo nuanom a wɔwɔ wiase nyinaa nkuran, na Yehowa behyira wo wɔ gyidi a woreda no adi no ho.—Flp 1:12-14; Adi 2:10.

HWƐ VIDEO A YƐATO DIN YƐN NUANOM A NA WOGU AFIASE WƆ KOREA NO, WƆAYI WƆN. WUWIE A, BUA NSƐMMISA A EDIDI SO YI:

• Mfe bi a atwam no, adɛn nti na wɔde yɛn nuanom a wɔwɔ South Korea bɛboro 19,000 guu afiase?

• Atɛn bɛn na asɛnnibea ahorow no bi bui a ɛma woyii yɛn nuanom no bi fii afiase ntɛm?

• Yɛn nuanom a wɔn gyidi nti wɔda so ara gu afiase no, dɛn na yebetumi ayɛ de aboa wɔn?

• Seesei a wɔnkyeree yɛn nguu afiase yi, yɛbɛyɛ dɛn de ahofadi a yɛwɔ no adi dwuma yiye?

• Nkonim a Yehowa nkurɔfo redi wɔ asɛnnibea ahorow mu no, hena na ɛsɛ sɛ yɛde ho aseda ma no?