Woreyɛ Nea Wubetumi Biara Ama Yehowa Ahyira Wo Anaa?

32:24-28

Sɛ yebetumi anya Yehowa nhyira a, gye sɛ yɛyere yɛn ho de Ahenni nneɛma di kan wɔ yɛn asetenam. (1Ko 9:26, 27) Ɛwom, na Yakob abɔ akora, nanso su a ɔdaa no adi bere a ɔne ɔbɔfo bi tentamee no, ɛsɛ sɛ Kristofo suasua. Nneɛma bɛn na woyɛ a ɛkyerɛ sɛ woreyɛ nea wubetumi biara ahwehwɛ Yehowa nhyira?

• Siesie wo ho yiye ma asafo nhyiam ahorow

• Fa wo ho hyɛ asɛnka adwuma no mu bere nyinaa

• Yɛ nea wubetumi biara boa anuanom a wɔwɔ asafo no mu

Ɛmfa ho nea worefa mu wɔ asetenam no, kɔ so ara bɔ Yehowa mpae sɛ ɔmmoa wo, na ama woatumi asom no yiye.

BISA WO HO SƐ, ‘Sɛ mehwɛ m’asetena mu a, nneɛma bɛn mu na ɛsɛ meyere me ho na matumi anya Yehowa nhyira?’