Woasiesie Wo Ho Anaa?

Baabi a wote no, sɛ atoyerɛnkyɛm si a, woasiesie wo ho? Asasewosow, mframa gyampantrudu, ogyahyehyew, ne nsuyiri betumi asi mpofirim, na asɛe nneɛma pii. Weinom da nkyɛn a, nnipabɔnefo tumi di awurukasɛm, basabasayɛ tumi si, na yare tumi te si baabi a ɛmmɔ obiara nkae. (Ɔsɛ 9:11) Ɛnsɛ sɛ yenya adwene sɛ, saa nneɛma yi bi rentumi nsi wɔ baabi a yɛte no.

Ɛsɛ sɛ yɛn mu biara yɛ nea obetumi de siesie ne ho ma atoyerɛnkyɛm. (Mme 22:3) Ɛwom, sɛ atoyerɛnkyɛm si a, Yehowa ahyehyɛde no boa yɛn, nanso ɛsɛ sɛ yɛn ankasa nso siesie yɛn ho ansa na atoyerɛnkyɛm asi.—Ga 6:5.

HWƐ VIDEO A YƐATO DIN WOASIESIE WO HO AMA ATOYERƐNKYƐM? NO. WUWIE A, BUA NSƐMMISA A EDIDI SO YI:

• 

  Sɛ yɛma yɛne Yehowa adamfofa mu yɛ den a, sɛn na ɛbɛboa yɛn bere a atoyerɛnkyɛm asi?

• 

  Adɛn nti na ehia sɛ . . .

  • • yɛne mpanyimfo no ntam yɛ papa bere a atoyerɛnkyɛm nnya nsii, bere a atoyerɛnkyɛm asi, ne bere a asi awie?

  • • yɛhyehyɛ nneɛma kakra a yebehia gu bag mu si hɔ?​—g17.5 6

  • • atoyerɛnkyɛm ahorow a ebetumi asisi no, yesusuw ho na yehu nea yɛbɛyɛ bere a emu biara asi no?

• 

  Nneɛma mmiɛnsa bɛn na yebetumi ayɛ de aboa wɔn a atoyerɛnkyɛm ato wɔn?