W’ani Gye Ho Sɛ Wobɛkɔ Ahenni Asɛmpakafo Sukuu No Bi Anaa?

Woyɛ ɔkwampaefo a woadi fi mfe 23 kosi 65 a wowɔ apɔwmuden anaa? W’ani gye ho sɛ wobɛsom wɔ baabi a mmoa ho hia? W’ani begye ho sɛ wobɛkɔ Ahenni Asɛmpakafo Sukuu no bi anaa? Sɛ saa a, wubetumi ahyehyɛ fɔɔm no bi. Efi bere a wɔtew sukuu yi, awarefo ne mmarima ne mmea asigyafo pii na wɔakɔ sukuu yi bi. Seesei de, mmarima a wɔyɛ asigyafo paa na yɛpɛ sɛ wɔhyehyɛ akwammisa krataa no bi. Sɛ w’ani gye ho sɛ wobɛkɔ sukuu no bi a, srɛ Yehowa sɛ ɔmmoa wo na yɛ n’apɛde sɛnea ne Ba no yɛe no. (Dw 40:8; Mt 20:28; Heb 10:7) Afei toto wo nneɛma yiye sɛnea ɛbɛyɛ a wubetumi akɔ sukuu no bi. Ebia ɛho behia sɛ wutwitwa nneɛma bi so anaa wopɛ adwuma bi a ɛbɛma woanya bere pii de ayɛ ɔsom adwuma no.

Sɛ obi kɔ sukuu yi bi wie a, hokwan ahorow bɛn na obetumi anya wɔ Yehowa ahyehyɛde no mu? Ɛyɛ a wɔde wɔn mu bi kɔ mmeae a wɔka kasa foforo ma wɔkɔyɛ asɛnka adwuma no anaa wɔma wɔkɔyɛ baguam adansedi wɔ nkurow akɛse mu. Ebinom nso wie sukuu no a, wotumi ma wosi amansin so ahwɛfo ananmu som, ebi som sɛ amansin so ahwɛfo na ebinom tumi bɛyɛ asɛmpatrɛwfo. Sɛ woredwinnwen hokwan ahorow a wubetumi anya wɔ Yehowa som mu no ho a, ma asɛm a odiyifo Yesaia kae yi ntena w’adwenem. Ɔkae sɛ: “Mini, soma me!”​—Yes 6:8.

HWƐ VIDEO A YƐATO DIN ASƐMPATRƐWFO​—OTWA ADWUMA NO MU ADWUMAYƐFO NO. WUWIE A, BUA NSƐMMISA A EDIDI SO YI:

• 

  Sɛn na wɔpaw asɛmpatrɛwfo?

• 

  Adwuma pa bɛn na asɛmpatrɛwfo reyɛ?

• 

  Nhyira bɛn na ɛwɔ asɛmpatrɛw adwuma no mu?