Mmofra​—Monka Mo Komam Asɛm Nkyerɛ Mo Awofo

Adɛn nti na ɛsɛ sɛ woka wo komam asɛm kyerɛ w’awofo? (Mme 23:26) Nea nti ne sɛ, Yehowa de ahyɛ wɔn nsa sɛ wɔnhwɛ wo so na wɔnkyerɛ wo kwan. (Dw 127:3, 4) Enti sɛ biribi haw wo na woanka ankyerɛ wɔn na wode hyɛ wo ho a, ɛbɛyɛ den sɛ wɔbɛboa wo. Ɛsɛ sɛ wokae sɛ, ɔpanyin na obi nyɛɛ bi da, nanso abofra de obiara ayɛ bi da. Wɔayɛ sɛ wo pɛn, enti wɔwɔ suahu pii a wobetumi de aboa wo. Nanso nea yɛreka yi kyerɛ sɛ, ɛyɛ mfomso sɛ wode nsɛm bi bɛhyɛ wo ho anaa? Ɛnyɛ saa na yɛreka. Nea ɛnsɛ sɛ woyɛ ne sɛ wobɛdaadaa wɔn.—Mme 3:32.

Ɛnde, wobɛyɛ dɛn ne w’awofo abɔ nkɔmmɔ? Wubetumi apɛ bere a eye ma mo nyinaa na wo ne wɔn adi nkɔmmɔ. Sɛ ɛyɛ den ma wo sɛ wo ne wɔn bedi nkɔmmɔ a, kyerɛw sɛnea wote nka gu krataa so na fa ma wɔn mu baako. Afei, yɛmfa no sɛ wɔpɛ sɛ wɔne wo bɔ biribi ho nkɔmmɔ, nanso w’ani nhyɛ da nnye saa asɛm no ho. Ɛba saa a, dɛn na wobɛyɛ? Ɛsɛ sɛ wokae sɛ, boa ara na wɔpɛ sɛ wɔboa wo. Hu wɔn sɛ wo nnamfo, na ɛnyɛ w’atamfo. Sɛ wobɔ mmɔden ne w’awofo bɔ nkɔmmɔ, na woka wo komam asɛm kyerɛ wɔn a, ɛbɛboa wo wo nkwa nna nyinaa. Wobɛsan nso anya daa nkwa!—Mme 4:10-12.

HWƐ VIDEO A YƐATO DIN ME MMABUNBERE MU—MƐYƐ DƐN NE M’AWOFO ABƆ NKƆMMƆ? NO. WUWIE A, BUA NSƐMMISA A EDIDI SO YI:

• 

  Dɛn na Esther ne Partik hui wɔ wɔn ho?

• 

  Dɛn na wubetumi asua afi Yesu nhwɛso no mu?

• 

  Dɛn na w’awofo ayɛ de akyerɛ sɛ wodwen wo ho?

• 

  Bible nnyinasosɛm bɛn na ebetumi aboa wo na woatumi ne w’awofo abɔ nkɔmmɔ?