Wubetumi Aboa Ama Anigye Aba W’abusua Mu

Yehowa pɛ sɛ abusua biara ani gye. (Dw 127:3-5; Ɔsɛ 9:9; 11:9) Nanso ɔhaw ne dadwen ahyɛ wiase ma. Afei nso, yɛn abusuafo tumi di mfomso. Weinom nyinaa nti, ɛtɔ da a, na anigye a ɛwɔ abusua mu no reyɛ ayera. Dɛn na obiara a ɔwɔ abusua no mu betumi ayɛ de aboa ama anigye aba mu?

Ɛsɛ sɛ okunu di ne yere ni. (1Pe 3:7) Ɛsɛ sɛ onya bere ma no. Afei sɛ nneɛma bi wɔ hɔ a ɛboro ɔbea no ahoɔden so a ontumi nyɛ a, ɛsɛ sɛ ɔte no ase. Nneɛma a ne yere yɛ ma no ne abusua no nyinaa no, ɛsɛ sɛ ɔkyerɛ sɛ n’ani sɔ, na ɔda no ase. (Kol 3:15) Ɛsɛ sɛ oyi ne yere ayɛ na ɔma ohu sɛ ɔdɔ no.—Mme 31:28, 31.

Ɛsɛ sɛ ɔyere de n’ani to fam hwɛ nneɛma a obetumi ayɛ de aboa ne kunu. (Mme 31:12) Ɛsɛ sɛ ɔbrɛ ne ho ase ma ne kunu, na ɔtaa n’akyi. (Kol 3:18) Ɛsɛ sɛ ɔne no kasa wɔ obu mu, na ɔka ne ho asɛmpa kyerɛ afoforo.—Mme 31:26.

Ɛsɛ sɛ awofo nya wɔn mma ho adaagye. (De 6:6, 7) Ɛsɛ sɛ wɔbue wɔn ano ka kyerɛ wɔn mma sɛ wɔdɔ wɔn. (Mt 3:17) Sɛ ɛsɛ sɛ wɔtene wɔn mma no so a, ɛsɛ sɛ wɔda nhumu adi, na wɔtene wɔn so wɔ ɔdɔ mu.—Efe 6:4.

Ɛsɛ sɛ mmofra di wɔn awofo ni na wɔtie wɔn. (Mme 23:22) Ɛsɛ sɛ wɔka wɔn komam asɛm kyerɛ wɔn awofo, na wɔma wɔn awofo hu sɛnea wɔte nka. Ɛsɛ sɛ wɔbu wɔn awofo, na sɛ wɔn awofo tene wɔn so a, ɛsɛ sɛ wɔgye tom.—Mme 19:20.

HWƐ VIDEO A YƐATO DIN MA ANIGYE MMRA W’ABUSUA MU. WUWIE A, BUA ASƐMMISA A EDI SO YI:

Dɛn na obiara yɛe a ɛboa maa anigye baa abusua no mu?