BIBLE MU AKORADE

‘Mɛma M’ani Aku Ho Daa’

Yehowa paw asɔrefie no sɛ ɛhɔ na ne nkurɔfo nkɔsom no (2Be 7:11, 12)

Yehowa kaa sɛ, ɔbɛma n’ani aku asɔrefie no ho daa anaa ɔbɛma ne koma atena hɔ daa. Ɛno kyerɛ sɛ, biribiara a ɛbɛkɔ so wɔ hɔ no, ɔde n’ani bedi akyi (2Be 7:16; w02 11/15 5 ¶1)

Yehowa ka kyerɛɛ nkurɔfo no sɛ, wɔmfa “wɔn koma nyinaa” nsom no daa; sɛ wɔgyae a, ɔbɛma atamfo abɛsɛe asɔrefie no (2Be 6:14; 7:19-21; it-2 1077-1078)

Mfoni: Nneɛma a yɛyɛ wɔ Onyankopɔn som mu. 1. Onua bi rebɔ mpae. 2. Onuawa bi rema mmuae wɔ adesua ase. 3. Awarefo bi wɔ asɛnka mu. 4. Onua bi resiesie Ahenni Asa so. 5. Onua bi ne ne yere ne ne mma mmienu reyɛ abusua som. 6. Onuawa bi rekan ne Bible. 7. Onuawa bi de sika reto ntoboa adaka mu.

Bere a wɔrehyira asɔrefie no so no, ɛbɛyɛ sɛ na nkurɔfo no adwene yɛ wɔn sɛ wɔbefi wɔn komam asom Yehowa daa wɔ asɔrefie hɔ. Nanso nea ɛyɛ awerɛhow ne sɛ, nkakrankakra, ahokeka a na wɔde som Yehowa no tew kɔe.

BISA WO HO SƐ, ‘Dɛn na ɛkyerɛ sɛ mede me koma nyinaa na ɛresom Yehowa?’