Adɛn Nti na Mofrɛ Baabi a Muhyia no Ahenni Asa?

Yɛfrɛ baabi a yehyia som no “Yehowa Adansefo Ahenni Asa.” Nneɛma a edidi so yi nti na yɛfrɛ hɔ saa:

• Ɛhɔ yɛ dan anaa baabi a yehyiam.

• Yekohyia som Yehowa, Onyankopɔn a ɔma wɔkyerɛw Bible no, na yedi ne ho adanse kyerɛ nkurɔfo.​—Dwom 83:​18; Yesaia 43:12.

• Onyankopɔn Ahenni a Yesu kaa ho asɛm no, ɛhɔ na yehyia sua ho ade.​—Mateo 6:​9, 10; 24:​14; Luka 4:43.

Kɔ Yehowa Adansefo Ahenni Asa biara a ɛbɛn wo na kɔhwɛ sɛnea wɔyɛ wɔn nhyiam.