Onyankopɔn de amanehunu ba wɔn a wodi basabasa a wɔyɛ tia ne nkurɔfo ho fɔ no so. Dɛn nti na Edomfo amanehunu no ba? Basabasa a wɔyɛ tiaa wɔn nuanom, Yakob mma mpɛn pii no ntia. Sɛ́ Esau asefo no, na Edomfo ne Israelfo bɔ abusua. Nanso, wɔbɔ wɔn sobo sɛ wɔfow wɔn nua, wodi Yerusalem asehwe ho ahurusi nitan so, na wɔde wɔn a wofii mu kae no hyɛ atamfo nsa de wie eyi. Ne saa nti na Edom asɔw ne sɛe ano.​—Nkyekyem 10-16.

○ Nkyekyem 10​—Na Edom ti atõ sɛ ‘wobetwa no akyene akosi daa’ esiane nitammɔne ne pirim a wapirim wɔ ɔdɔ a onni ma ɔman a ɛyɛ ne nua, “Yuda mma,” no nti. (Nkyekyem 12) Na ɔman asetɔre a ɛte saa no kyerɛ sɛ Edomfo man a ɛwɔ nniso ne ɔmanfo a wɔwɔ asase so beae pɔtee bi no bɛyera afi asase ani korakora. Ɛnnɛ, nnipa biara nni hɔ a wobetumi akyerɛ sɛ wɔyɛ Edomfo; wɔabɛyɛ “sɛ wɔn a wonni hɔ.”​—Nkyekyem 16.