Dwom 99
Kamfo Asase so Hene Foforo No
Nea Yɛaprente
1. Yefi aman ne mmusua nyinaa
mu di Kristo akyi.
Ɔno na yɛbɛkamfo no sɛ yɛn
Hene kɛse no.
Wɔawo Nyankopɔn Ahenni.
Ɛrenkyɛ ne pɛ bɛyɛ hɔ.
Anidaso yi yɛ akyɛde,
Ɛma yɛn awerɛkyekye.
(NNYESO)
Kamfo yɛn Nyankopɔn
Ne ne Ba Kristo no,
Wɔn na wɔama yɛanya nkwagye.
Ɛbɛma yɛatena asase so
Asom yɛn Nyankopɔn daa.
2. Yɛde anigye kamfo Kristo,
yɛn Hene kɛse no.
Asomdwoe Hene bɛma Nyankopɔn
bɔhyɛ aba mu.
Anigye bi da yɛn anim:
Ehu befi asase so;
Awufo bɛsɔre aba bio.
Ɛbɛyɛ ahurusi da!
(NNYESO)
Kamfo yɛn Nyankopɔn
Ne ne Ba Kristo no,
Wɔn na wɔama yɛanya nkwagye.
Ɛbɛma yɛatena asase so
Asom yɛn Nyankopɔn daa.