Adwinnadeɛ Foforɔ a Yɛde Yɛ Nhwehwɛmu

Adawurubɔfoɔ mpempem pii a wɔwɔ wiase baabiara de Watch Tower Publications Index ayɛ adwuma ama aboa wɔn. Nanso, nsɛm a ɛwom dɔɔso paa na ɛho adwuma nso nna fam, enti kasa dodoɔ no ara nni bi. Wei nti yɛayɛ Nhoma a Yehowa Adansefo De Yɛ Nhwehwɛmu no wɔ kasa ahodoɔ 170 mu. Wohwɛ nwoma ahodoɔ a ɛwɔ Nhwehwɛmu Nhoma no mu a, wobɛhunu sɛ nwoma a ɛwɔ mu no firi aseɛ firi afe 2000 reba no. Kasa ahodoɔ a wɔwɔ Index no bi no deɛ, wɔantintim Nhwehwɛmu Nhoma no bi amma wɔn, nanso wɔde aka Watchtower Library ne Watchtower​—INTANƐT NHOMAKORABEA no ho. Nhwehwɛmu Nhoma no bɛtumi aboa wo ma woanya Bible nsɛmmisa ho mmuaeɛ. Ɛbɛtumi aboa ama woanya nsɛm bi a ɛha wo no ho nsɛm akenkan, na worekɔ asafo nhyiamu anaa morebɛyɛ abusua som nso a, ɛbɛboa ama woasiesie wo ho yie.