Asɛntitiriw a Ɛwɔ Bible Mu

Nea Yɛaprente

Yehowa Nyankopɔn na ɔfata sɛ odi yɛn so. Ne tumidi ye kyɛn tumidi foforo biara. Nea enti a ɔbɔɔ asaase ne nnipa no bɛba mu.

Adam ne Hawa wɔ Eden turo no mu, na ɔwɔ bi bɛn wɔn

Afe 4026 A.Y.B. akyi

“Ɔwɔ” no kekaa nsɛm bi de kyerɛe sɛ ɔkwan a Yehowa fa so di tumi no nyɛ papa, na ɔmfata sɛ odi yɛn so. Yehowa hyɛɛ bɔ sɛ ɔbɛma ‘aseni’ anaa ‘aba’ bi abɛbɔ ɔwɔ no, kyerɛ sɛ, Satan ti. (Genesis 3:1-5, 15, ase hɔ asɛm) Nanso Yehowa gyaee nnipa sɛ wonni wɔn ho so kosi sɛ saa bere no bɛso. Enti nnipa bɛhyɛɛ ɔwɔ no ase.

Afe 1943 A.Y.B.

Yehowa ka kyerɛɛ Abraham sɛ n’abusua mu na ‘aseni’ a ɔhyɛɛ bɔ sɛ ɔbɛba no befi aba. —Genesis 22:⁠18.

Afe 1070 A.Y.B. akyi

Yehowa maa Ɔhene Dawid awerɛhyem sɛ, n’abusua mu na ‘aseni’ a ɔhyɛɛ bɔ sɛ ɔbɛba no befi aba. Akyiri yi, ɔkaa asɛm koro no ara kyerɛɛ Dawid ba Solomon.—2 Samuel 7:12, 16; 1 Ahene 9:3-⁠5; Yesaia 9:6, 7.

Afe 29 Y.B.

Yehowa maa nnipa hui sɛ Yesu ne ‘aseni’ a ɔhyɛɛ bɔ sɛ ɔbɛba no, na ɔno na obedi Dawid ade.—Galatifo 3:16; Luka 1:31-33; 3:21⁠, 22.

Afe 33 Y.B.

Ɔwɔ a ɔne Satan no kaa ‘aseni’ no hyɛe kakra, kyerɛ sɛ, okum Yesu. Yehowa nyan Yesu ma ɔkɔɔ soro, na afɔre a ɛsom bo a Yesu de ne nipadua a bɔne biara nni ho bɔe no, n’Agya gye toom. Ɛno abue bɔnefakyɛ ne daa nkwa ho kwan ama Adam asefo.—Genesis 3:15; Asomafo Nnwuma 2:32-36; 1 Korintofo 15:21, 22.

Sɛnea Adiyisɛm nhoma no ka too hɔ no, wɔatow Satan a ogyina hɔ ma ɔwɔ no ato asaase so

Bɛyɛ afe 1914 Y.B.

Yesu tow ɔwɔ a ɔne Satan no too asaase so sɛ onni ne nna kakra a aka no wɔ so.—Adiyisɛm 12:7-9, 12.

Sɛnea Adiyisɛm nhoma no ka too hɔ no, Yesu te n’ahengua so wɔ soro, na ɔredi asaase ho hene

Daakye

Yesu de Satan bɛto afiase mfe 1,000 na afei wasɛe no, kyerɛ sɛ, ɔbɛpɛtɛw ne ti. Nea enti a Yehowa bɔɔ asaase ne nnipa no bɛba mu. Ne din a wɔasɛe no no ho bɛtew, na obiara behu sɛ ne tumidi na ɛyɛ papa.—Adiyisɛm 20:1-3, 10; 21:3, 4.