Owu Nwowɔe

Owu de, obiara mpɛ sɛ ɔbɛte ho asɛm, na ebinom mpɛ sɛ epue wɔn ano mpo. Nanso, ɛda amansan kɔn mu; ɛyɛ yaw, na etwa te sɛ sekan.

Owu wɔ hɔ yi, ɛnkokwaw, ɛnkanka ne sɛ afa wo maame, wo papa, wo yere, wo kunu anaa wo ba. Ɛmmɔ nkae, na etumi tu n’ani si abusua so. Owu biara nso nni hɔ a ɛnyɛ yaw, na owu sɛe fie.

Kar bɔɔ Antonio papa kum no, na Antonio kaa owu no ho asɛm sɛ: “Ɛte sɛ obi agye wo fie safoa afi wo nsam abrambram wo pon akyi kɔ. Worentumi nkɔ fie hɔ koraa; ɛba saa a, na ato adwennwene. Nanso woyɛ dɛn ara a, nea aba ne no. Ɛyɛ wo sɛ ɛnyɛ nokware, efisɛ wudwen ho ara a, wonte ase, nanso woyɛ ho hwee a, ɛnyɛ yiye.”

Dorothy nso kunu wui; saa bere no na Dorothy adi mfe 47, na ɔyɛe sɛ nsɛm bi a ɛkyere n’adwene no, ɔbɛhwehwɛ ho mmuae. Ná ɔyɛ “Sunday-school” tikya, enti na onim sɛ anidaso wɔ hɔ ma awufo. Nanso na onni ho nkyerɛkyerɛmu biara. Na ɔkɔ Anglikan asɔre, enti obisaa ne sɔfo sɛ, “Enti yewu a, ɛhe na yɛkɔ?” Ɔno nso buae sɛ, “Obiara nnim; daakye na yebehu.”

Ɛyɛ ampa sɛ “daakye na yebehu”? Biribi wɔ hɔ a ɛbɛboa yɛn ama yɛahu sɛ nnipa wu a, anidaso wɔ hɔ anaa?