Teokrase Ɔsom Sukuu Ntĩmu

Wobesusuw nsɛmmisa a edidi so yi ho wɔ Teokrase Ɔsom Sukuu no mu wɔ dapɛn a efi ase February 25, 2013 mu. Wɔde da a yebesusuw asɛm no mu biara ho aka ho sɛnea ɛbɛyɛ a wubetumi ayɛ ho nhwehwɛmu bere a woresiesie wo ho ama sukuu no dapɛn biara no.

1. Dɛn nti na Yesu kae sɛ “wɔn a wodi awerɛhow” no ani begye? (Mat. 5:4) [Jan. 7, w09 2/15 kr. 6 nky. 6]

2. Dɛn na mpaebɔ nhwɛso a ɛne: “Mfa yɛn nkɔ sɔhwɛ mu” a Yesu kyerɛɛ n’asuafo no kyerɛ? (Mat. 6:13) [Jan. 7, w04 2/1 kr. 16 nky. 13]

3. Dɛn nti na Yesu kae sɛ n’asuafo no renka asɛm no wɔ nkurow nyinaa mu nwie “na onipa Ba no aba”? (Mat. 10:23) [Jan. 14, w10 9/15 kr. 10 nky. 12; w87 11/1 kr. 9 nky. 1 (w87-E 8/1 kr. 8 nky. 6)]

4. Nneɛma abien bɛn na Yesu mfatoho a ɛfa sinapi aba ho no si so dua? (Mat. 13:31, 32) [Jan. 21, w08 7/15 nkr. 17-18 nky. 3-8]

5. Asuade bɛn na na Yesu pɛ sɛ ɔkyerɛkyerɛ bere a ɔkae sɛ: “Sɛ moannan anyɛ sɛ mmofra nkumaa a, morenhyɛn ɔsoro ahenni mu da” no? (Mat. 18:3) [Jan. 28, w07 2/1 nkr. 9-10 nky. 3-4]

6. Dɛn na asɛm a ɛne “wo ara woaka” a Yesu kae no kyerɛ? (Mat. 26:63, 64) [Feb. 11, w11-E 6/1 kr. 18]

7. Dɛn nti na wɔfrɛ Yesu sɛ “homeda Wura”? (Mar. 2:28) [Feb. 18, w08 2/15 kr. 28 nky. 7]

8. Dɛn nti na Yesu maa mmuae a ɛte saa faa ne maame ne ne nuanom ho, na dɛn na yesua fi mu? (Mar. 3:31-35) [Feb. 18, w08 2/15 kr. 29 nky. 5]

9. Sɛnea wɔayɛ ho kyerɛwtohɔ wɔ Marko 8:22-25 no, ɛbɛyɛ sɛ dɛn nti na Yesu faa akwan abien so buee ɔbarima a na n’ani afura no ani, na dɛn na yebetumi asua afi mu? [Feb. 25, w00 2/15 kr. 17 nky. 7]

10. Dɛn na yesua fi sɛnea Yesu yɛɛ n’ade wɔ ka a Petro kaa n’anim a ɛho asɛm wɔ Marko 8:32-34 no mu? [Feb. 25, w08 2/15 kr. 29 nky. 6]