KUTANGISA MAKANI
FUNDO 6
Musasiye Kuti Kuthya Kumuitisei Kuti Musaparidzire
Cokwadi Cisikacinji: “Takabetserhwa na Mwari kuti tigare anhu ano ushingi pakureketa masoko akanaka.”—1 Ate. 2:2.
Zvakaizwa na Djesu
1. Onai VHIDHIYO, kana kuti erengai Ruka 19:1-7. Pedzepo, dairai mibvunzo inoteera:
Ngei anhu akawanda pamweni ainga asikapfariri Zakeu?
Kunyazi zvakadaro, cinyi cakaitisa kuti Djesu amuparidzire masoko akanaka?
Tinofundei no Muezaniso wa Djesu?
2. Tinodikana kugara no ushingi kuti tiparidzire masoko e Umambo ku anhu ese tisikasananguri.
Teedzerai Djesu
3. Gondai Djehovha. Mwiya mucena wa Mwari ndiwo wakapasa Djesu simba rekuti aparidzire uye mwiya mucena iwona ungakwanisawo kumubetserai. (Mat. 10:19, 20; Ruka 4:18) Kana mukathya kuparidzira, kumbirai Djehovha kuti amupasei ushingi.—Zvii. 4:29.
4. Musatonge anhu. Pamweni tingathya kureketa no anhu amweni nge ndaa ye ciimo cawo, zvaanazvo uye mushobo waanorarama kana kuti zvaanotenda. Asi edzurirai kuti:
Djehovha na Djesu anokwanisa kuona zviri mu mwoyo, asi isusu atikwanisi.
Atidikani kurangarira kuti munhu aadikani kubetserhwa na Djehovha.
5. Musathye kuparidzira, asi pangidzai rureremedzo uye garai makangwarira. (Mat. 10:16) Musareketedzane. Kana munhu asikadi kuzwa masoko akanaka kana kuti imwimwi mukaona kuti mugariro we zviro auzi kunaka, pedzesai makani nge mushobo wakanaka.—Zvie. 17:14.