Kudhezenyari Kunoita kuti Tizoedzurire

Zvingamushupirai kuti imwimwi muzoedzurire zviya zvamunonga mafunda. Izvona, zvinoitikawo ku akawanda edu. Asi makamboima morangarira kuti zviri nyore kuedzurira muezaniso dzakapaswa na Djesu here? Izvona zvinouya mundangariro medu uye tinokwanisa kuedzurira zviro zvese uye mafundo e kuti anotifundisa. Ngo mushobo uwona, zvicaita nyore kuti imwimwi muedzurire zvamunonga mafunda uye kunyasa kurangarira zvamunonga maerenga. Zvinyi zvingamubetserai kuti imwimwi muite izvona? Kuita madhezenyo.

Anhu anoita madhezenyo nge zve zviya zvaapera kufunda, anosoedzurira zvakanaka masoko mapsva. Madhezenyo aandoseenzi basi pa masoko akananga, asiwo pamazano, pa marangariro uye zviro zvisikazi kudjeka. Imwimwi amudikani kutambudzika kudhezenyari zviro zvakarungama maningi, asi munga dhezenyari zviro zviri nyore. Mushobo uu unobetsera maka-maka aya acembera kuti aedzurire zviya zvaanonga afunda.

Pazuwa rimweni ramucazofunda, edzai kuita dhezenyo ngezve zviya zvamunonga mafunda. Imwimwi mucashamiswa no kuwanda ke zviro zvamucakwanisa kuedzurira!