Mwoyo Unononoka Kutsamwa

Zvakaizwa na Djesu

VHIDHIYO: Djesu Anobetsera Hama Yake no Mwoyo Unononoka Kutsamwa

1. Onai VHIDHIYO, kana kuti erengai Juau 7:3-5 uye 1 Akorinti 15:3, 4, 7. Pedzepo, dairai mibvunzo inoteera:

1. Pakutanga, hama dza Djesu dzakatambira kudini masoko aaiparidzira?

2. Cinyi cinopangidza kuti Djesu aazi kusiya hama yake Tiyago?

Tinofundei no Muezaniso wa Djesu?

2. Tinodikana kugara no mwoyo unononoka kutsamwa ngokuti anhu amweni anononoka kutenda masoko akanaka.

Teedzerai Djesu

3. Edzai kuseenzesa mishobo yakasiyana-siyana. Kana munhu akatama kutenda ciriporipoco kufunda Bhaibheri, musamubambidzire. Kana zveciita, mupangidzei mavhidhiyo kana ma artigo kuti mumubetsere kuzwisisa kuti fundo ye Bhaibheri inoizwa kudini uye kuti ngei zvakanaka kuti iyena afunde.

4. Musaezanise, ngokuti anhu akasiyana. Kana hama yenyu kana kuti munhu umweni wamuri kuhwiririra asikadi kutenda fundo ye Bhaibheri kana kuti fundiso ye Bhaibheri, edzai kuzwisisa kuti cinyi cinoita kuti iyena adaro. Pano fundiso yo kugereja kake yakadzadza ndagariro dzake here? Iyena uri kusongana no kubambidzirhwa no anyaukana kana kuti anyacigarisano here? Pasai nguwa kuti munhuwo anyase kurangarira zvamareketa uye aone kukosha kunoita zvinofundiswa no Bhaibheri.

5. Itai munamato ngezve munhu wapfarira. Kumbirai Djehovha kuti amubetsere kurumbwa muno maonero akanaka uye muno rureremedzo. Kumbirai Djehovha kuti amupasei ruziyo rokuzwisisa kuti ndi riini wamunodikana kuima kuhwirira ku uya unonga asikapfariri.—1 Ako. 9:26.