Kushingirira

Cokwadi Cisikacinji: “Awona airumbwa ecifundisa uye eciziisa masoko akanaka.”—Zvii. 5:42.

Zvakaizwa na Pauro

Muphostori Pauro ecibvunza anhu masoko akanaka pa cikora.

VHIDHIYO: Pauro Unoshingirira ku Efeso

1. Onai VHIDHIYO, kana kuti erengai Zviito 19:8-10. Pedzepo, dairai mibvunzo inoteera:

Pauro wakabatana no kuphikiswa asi wakashingirira. Iyena wakarumbwa kudini ecibetsera aya ainga apfarira?
Pauro waitora nguwa yakadini kuti ahwirire koofundisa aya ainga apfarira uye wakazviita ke nguwa yakareba kudini?

Tinofundei no Muezaniso wa Pauro?

2. Tinodikana kuseenzesa nguwa uye simba redu kuti tihwirire ku aya apfarira uye kutangisa fundo dze Bhaibheri.

Teedzerai Pauro

3. Gadzirisai urongwa wenyu kuti muvhakacire munhu pa nguwa yakamunakira. Dzibvunzisei kuti: ‘I nguwa ipi yakanaka kuti ndimugumire? I zuwa ripi uye i mbuto ipi iri nyore kuti iyena acedze na inini?’ Garai makagadzirira, kunyazi isiripi nguwa yakanaka kamuri.

4. Panganai kuzohwirira. Pese pamunopedza kucedza, edzai kupsvaka nguwa yakasisira kuti muenderere no makani. Itai zviri zvese kuti muite maererano no zvamakapangana.

5. Musaruze kariro. Musarangarire kuti munhuwo aadi nge kuti zvirikushupha kumugumira pa nyumba kana kuti nge kuti nguwa yese iyena wakabatika. (1 Ako. 13:4, 7) Kunyazi zvakadaro, garai munhu ari pakati no pakati. Rumbwai mecishingirira asi seenzesai nguwa yenyu no ungwaru.—1 Ako. 9:26.

ONAIWO

Zvii. 10:42; 1 Ako. 9:22, 23; 2 Ako. 4:1; Aga. 6:9