Yeremia
1 Haya ndiyo maneno ya Yeremia* mwana wa Hilkia, mmoja wa makuhani wa Anathothi+ katika nchi ya Benjamini. 2 Neno la Yehova lilimjia katika siku za Yosia+ mwana wa Amoni,+ mfalme wa Yuda, katika mwaka wa 13 wa utawala wake. 3 Pia lilikuja katika siku za Yehoyakimu+ mwana wa Yosia, mfalme wa Yuda, hadi mwishoni mwa mwaka wa 11 wa utawala wa Sedekia+ mwana wa Yosia, mfalme wa Yuda, mpaka Yerusalemu lilipoenda uhamishoni katika mwezi wa tano.+
4 Neno la Yehova lilinijia, likisema:
Nilikufanya uwe nabii kwa mataifa.”
6 Lakini nikasema: “Ole wangu, Ee Bwana Mwenye Enzi Kuu Yehova!
Mimi sijui kuzungumza,+ kwa maana mimi ni mvulana* tu.”+
7 Kisha Yehova akaniambia:
“Usiseme, ‘Mimi ni mvulana tu.’
Kwa maana ni lazima uende kwa wote nitakaokutuma kwao,
Nawe unapaswa kusema kila jambo nitakalokuamuru.+
8 Usiogope kwa sababu ya jinsi wanavyoonekana,+
Kwa maana ‘mimi niko pamoja nawe ili nikuokoe,’+ asema Yehova.”
9 Kisha Yehova akaunyoosha mkono wake na kugusa kinywa changu.+ Na Yehova akaniambia: “Nimeyatia maneno yangu kinywani mwako.+ 10 Tazama, nimekutuma leo hii ili uwe juu ya mataifa na juu ya falme, ili kung’oa na kubomoa, ili kuangamiza na kuangusha, ili kujenga na kupanda.”+
11 Neno la Yehova likanijia tena, likisema: “Unaona nini, Yeremia?” Basi nikasema: “Ninaona tawi la mti wa mlozi.”*
12 Yehova akaniambia: “Uko sahihi, kwa maana niko macho kabisa kuhusu neno langu ili kulitimiza.”
13 Neno la Yehova likanijia mara ya pili, likisema: “Unaona nini?” Basi nikasema: “Ninaona chungu* kinachochemka,* na mdomo wake umeinama kutoka kaskazini.” 14 Kisha Yehova akaniambia:
“Msiba utafunguliwa kutoka kaskazini
Dhidi ya wakaaji wote wa nchi.+
15 Kwa maana ‘ninaziita familia zote za falme za kaskazini,’ asema Yehova,+
‘Nao watakuja; kila mmoja ataweka kiti chake cha ufalme
Kwenye malango ya Yerusalemu,+
Dhidi ya kuta zake pande zote
Na dhidi ya majiji yote ya Yuda.+
16 Nami nitatangaza hukumu zangu dhidi yao kwa sababu ya uovu wao wote,
Kwa sababu wameniacha,+
Nao wanaifukizia miungu mingine moshi wa dhabihu+
Na kuziinamia kazi za mikono yao wenyewe.’+
17 Lakini unapaswa kuwa tayari kuchukua hatua,*
Nawe unapaswa kusimama na kuwaambia kila jambo ninalokuamuru.
Usiwaogope,+
Ili nisikuogopeshe mbele yao.
18 Kwa maana leo nimekufanya uwe jiji lenye ngome,
Nguzo ya chuma, na kuta za shaba dhidi ya nchi yote,+
Kuelekea wafalme wa Yuda na wakuu wake,
Kuelekea makuhani wake na watu wa nchi.+
19 Nao hakika watapigana nawe,
Lakini hawatakushinda,
Kwa maana ‘Mimi niko pamoja nawe,’+ asema Yehova, ‘ili nikuokoe.’”